NEHEMIA 9:27 - Biblía Axweesantá Hhohho' ar Mungú 2004

²⁷ Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

NEHEMIA 9:27 Iomraidhean Croise

2 WAAWITÁ 13:5

AAKOÓ MUNGÚ múk Israeli guri geeraharusmoó i sláy oo gaa tuu/ dír múk Aramu wa ale. Tari hoót ar wayda ar adoodár geera.

2 WAAWITÁ 14:27

Ala AAKOÓ MUNGÚ aáng gaa ooiiká ar múk Israeli kuwa hhaamisi ló'wa alé baraá yaamuwo. Gawaá adoorihe guri ba/amís ar loohír waawutmo Yeroboamu garmoó Yoashi.

2 WAAWITÁ 17:20

AAKOÓ MUNGÚ múk Israeli guri sií' sleémeero, giri muúx ar loohír xoordaá xaraaslá', sleémeero kiri hhaamiís dír geeraawose.

2 WAAWITÁ 17:39

ala aqo har aníng AAKOÓ MUNGÚ, Munguúhúng kilós in sluufmisá', daqaní aníng kuungá' nu tuú/ baraá dabaá wakuuserhunge.»

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

NEHEMIA 9:19

Kuúng ar gurtleemuuwók kudá' yaariire iga kwahhká baraá xaanxáy ale. Uhmoduú huunki inooín gaa geeraharahaar tlaatla/ango i ququtlatlinká dír geeraaine, tam uhmoduú asla xweeraawo loohir'ín gaa tsa'aas sleeme i ququtlaatlinká.

WARA'AMI 136:24

Dír wakuuseerene tina ba/amís, Asma sla'aarirós i warqeeraaká ay alhhe'eesay wasle!

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.