NEHEMIA 9:24 - Biblía Axweesantá Hhohho' ar Mungú 2004

²⁴ Naagáy xwaylarí nay hardát yaamu ngiwa aaliya', múk yaamuudá' kuri arbaá/. Múk Kana'ani kway gawaá dabaaín i qás dinkwa nee waawitaáine nee múk yaamudae, as adoodá' i slaiya' ngiwa dir'ín i tleehhiya'.

NEHEMIA 9:24 Iomraidhean Croise

1 QOM'I 22:18

Daudi iri oó', «Ahaá AAKOÓ MUNGÚ, Munguúhúng, i dinkwa nee kuungáeéke? Ahaá kuungá' naa waydií haniisikáhe bihhe sleémeero? Inós yaamuloouusér yaamuuká' ngina qaás baraá dabaeé', daxta taa hanisiyé' dír AAKOÓ MUNGÚ nee mukós.

ESTA 9:5

Naagáy múk Yahudi wakuuser'ín kari muúx sleémeero ar paangadu nee kay tsuú/, nee kiri hhaamiís. Múk Yahudi adoodá' i slai gana tleéhh dír mukdá' inooín ngaa aahhiye'.

FAARO 14:31

Kuungá' ana oé', ‹Na/iirén ki haasaáng wa ar tláy.› Ala aníng na/iihúng in dahaás baraá yaamuudá' kuungá' taa waaqaé' as inooín ngiwa tsaahhiya' nee yaamuudá' tawa kooín.

2 Timoteo 2:26

as kahhó' inooín tsaahha ngiwa slaya' nee niwa kotsqotiya' baraá tsaaxweelidár Neetlaango. Asma inooín kaa tsegiít baraá tsaaxweelidá' i alé, as sla'aarír Neetlaangw ngiwa tlehhiitiya'.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 12:12

waawutmoó gixsár Egloni, nee oo Geseri,

YOSHUA 12:24

nee waawutmoó gixsár Tirsa. Waawitaáwí dinkwaaro a mibeeri tám nee wak.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 21:43

Adoorí an adór xoorór Israeli yaamu sleémeero ngira ál, kudá' taa haniís dir'íní ale nee AAKOÓ MUNGÚ ar adoodá' ngira alqadín dír taati'ii'ín. Inooín yaamuudá' ngiri aaliyé', niri baraadá' wa hootiyé'.

YOSHUA 21:45

Baraá al'axweesantadá' hhoe sleémeero ar AAKOÓ MUNGÚ aa oó' dír xoorór Israeli, ar aa boo/eesiiká i káhh tam ar wák, al'axweesantós sleémeero iri bó/.

HAR'OHUUSE 4:23

Gawaá adoorihe Mungú Yabini, waawutmoó Kana'ani, guna dír geeraá múk Israeli wa baál baalaadae.