NEHEMIA 9:23 - Biblía Axweesantá Hhohho' ar Mungú 2004

²³ Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

NEHEMIA 9:23 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

1 QOM'I 27:23

Ala waawutmo Daudi múk Israeli oo kureeri mibeeri tsár gaa ayká gwaa faariiká. Asma AAKOÓ MUNGÚ al'axweesani gana oó', adór múk Israeli ngur tlahhás adór tsatse/uú gawaá doori.

TI'INAANGW 1:12

Ala adoodá' inooín múk Israeli ngura slehh'eemisiyé' an adoodá' nira ak tlahhiyé', nee niri tsiyayaaxatiyé'. Múk Misri iri ló'wa da'ayumiiít as xoorór Israeli.

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

DABE 28:62

Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.