NEHEMIA 9:22 - Biblía Axweesantá Hhohho' ar Mungú 2004

²² «Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

NEHEMIA 9:22 Iomraidhean Croise

WARA'AMI 105:44

Yaamaá xoordaá hatlá' gay haniís gadiyér muu kari aál,

WARA'AMI 78:65

Aluuwo AAKOÓ MUNGÚ nay daarkiít adór heé aa guu', adór migusmoó tsimahhuús oo ma'aá sabiíbu ngaa wah.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

DABE 1:4

Adoorí gana tleéhh alaá AAKOÓ MUNGÚ waawutmo Sihoni oo xoorór Amori nguwa baál, kudá' gixsár Heshboni gaa hoot, nee waawutmo Ogu oo Bashani, kudá' gixsár Ashtaroti gaa hoot nee Edrei.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›

DABE 4:46

Kaangwí ina tleehharuút qoomaadá' tawa gayuú hatlá' oo Yordanírí dirii'i baraá xatstadár geeraá Bet-peori, baraá yaamuudá' aáng awa waawutmo Sihoni oo Amori, kudá' aa waawuti'in baraá gixsár Heshbonír wa ale. Mose inooín gina baál qoomár múk Israeli niwa baraá yaamaá Misrír wa ti'iít.

DABE 4:47

Yaamuuwós kina hayóh nee awa waawutmo Ogu oo Bashani. Waawitaáwí tsár oo xoorór Amori, nina waawuti'ii'iné' bihhaá da/aáw awa yaaér Yordanír wá ale.

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.