NEHEMIA 9:15 - Biblía Axweesantá Hhohho' ar Mungú 2004

¹⁵ «Qoomár tawa qwariiti, ina muruú /aymár gawaá dooraá daáhh i hanís. Qoomár tawa waxiít, ma'aá wahaangw ina baraá tlaa/ár wa dúx. Sleeme kiri ádbeér yaamuudá' taa al'axwés kiwa aali.

NEHEMIA 9:15 Iomraidhean Croise

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 114:8

kudá' tlaa/a ga kwatiít iri tlahhasár ma'aay tleehhít, tlaa/aá uren giri kutli tleehh.

TI'INAANGW 16:4

Aluuwo AAKOÓ MUNGÚ Mose guri báy, «Aníng mikaáte ngi gawaá doorí wa /aytiís, umuú baalaaro muu mikaátér /aymár looár wake bu'uut ngi burumburi, ar loohirihe aníng i iartá wa slaá', áx daber'eé' ngi oohiía laqaá aasla'áy.

TI'INAANGW 17:3

Ala muu sleémeero ina waximiít, tari kumiít qununu/aywo dír Mose, ta kaahi, «Ahaá, gár tisa baraá Misrír wa dúx? A as tiwa tsu/utár wa slá'a ar waxe, atén nee na/iirene nee makayrene?»

TI'INAANGW 17:6

Ga/aaweek, aníng a sihhiít geerawógí ale gawaá daanduú tlaa/adár Horebu, kuúng daqaní tlaa/adá' ka sláhh, nee ma'aay niqo ti'iitiyá' as muu iwa wahi.» Mose adoodá' gari tleéhh dír geeraá bariisér Israeli wa alé.

TI'INAANGW 6:8

Aníng kuungá' nu huúw ay baraá yaamuudá' aníng naa lo'ór wa /aáy, ngiwa haniis dír Abrahamu nee Isaka nee Yakobo, aníng ngi haniís tawa aalirhúng, aníng a AAKOÓ MUNGÚ.› »

ISAYA 48:21

Qoomár ngiwa baraá xaanxáy wa geerahaár naa waximiti'iiká. Ma'aay gina baraá tlaa/ár wa duúx, tlaa/a gana feehhiís ma'aay nay baraadá' wa wa/iyé'.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

FAARO 14:30

oo dáh baraá yaamuudá' naa lo'ór wa /aáy ngiwa dirhúng haniis i kaahh, aqo har Kalebu garmoó Yefune nee Yoshua garmoó Nuni.›

DABE 1:21

Ga/aawaak, AAKOÓ MUNGÚ, Munguúhúng, yaamuuká' ngaa qaás dír geeraahúng i aleeró. Gimsé' yaamu oohaak, aalaak adoodá' AAKOÓ MUNGÚ, Munguú baabi'iihúng ngira oó'. Mada'ayumiitaara' laqaá ma amoqwaqwadiimara'.›

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.