NEHEMIA 9:11 - Biblía Axweesantá Hhohho' ar Mungú 2004

¹¹ Tlawi ana tla/aa qasís dír ilaaín wa aleeró, inooín tay waraáhh ar baraá tla/ángw tlawi ar yaamaá kaahaar. Ala múk Misri kudá' gaa eehar kiri kwáhh adór tlaa/anoó iiloó' i baraá ma'aá yaariir.

NEHEMIA 9:11 Iomraidhean Croise

WARA'AMI 66:6

Tlawi gana warqeés tari yaamaá kaahaar, baraá yaaeero muu iri waaraáhh ar ya'a'. Amoodá' an amór nguwa saqwalaala/iyé'.

WARA'AMI 78:13

Tlawi gana qasiís, inooín giri baraadár waarahhaás, ma'aay giri sihhtís adór koo/i.

TI'INAANGW 14:14

AAKOÓ MUNGÚ kuungá' nu aleslaaqw, kuungá' garhúng a tawo xasliita kilós.»

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

TI'INAANGW 14:29

Ala múk Israeli ina hi'iimiít ar baraá yaamaá kaahaar baraá tla/ángw tlawto. Nee ma'aydá' niri koo/i tleehhitiyé' bihhaaín awa doó /iyáy nee awa doó basayhe.

YEREMIA 32:20

Kuúng aange layu nee muruú waa/oo/amo una tléhh baraá yaamaá Misriro, tay laarí tlehhtuuwo a kumít baraá tla/ángw múk Israeliwo, nee baraá múk xoordaá hatlae, adoorí kuúng ugwa iia tleerés.

1 Korinto 10:1

Hhaee'eé', aníng kuungá' nu inslawtisár wa slaá' kángw baabi'iirene. Qoomaadae inooín sleémeero ta baraá guruú huunki, sleémeero tana waraáhh ar baraá tlawi.

Ebrania 11:29

Múk Israeli iri waaraáhh ar haratlintaao ar baraá tla/ángw tlawtá Siria adór yaamaá kaahaár wa ale. Múk Misri adoodá' múk Israeli aa tleéhh kawa iiár eeharto, kiri guú/ nee ma'aay.

Geehhoeemaá 18:21

Malaykamoó wák oo /uuruú koóm tlaa/ano guri taataáhh oo adór tlaa/ár xoosliingw. Tlaa/anoowí guri kwaáhh baraá tlawtí alé, iri oó', «Gixsár ur ar Babuloni, kiíng ti kwaahh ar /uuru adór tlaa/anoowí ar alé, nee slám ti ariiká baloó alé.