NEHEMIA 8:9 - Biblía Axweesantá Hhohho' ar Mungú 2004

⁹ Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

NEHEMIA 8:9 Iomraidhean Croise

2 WAAWITÁ 22:11

Qoomár waawutmo kangwdá' Shafani aa baraá kitaábuú dabér wa soomuús nguwa axaás, tlabaawós gina feehhamiís.

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

2 QOM'I 15:3

Asma har afiqoomár yaariire múk Israeli tana hoót Munguú ló' dir'ine i kaahh, nee kaahamusmoó gaa intsaahhatimis i kaahh, nee dabe i káhh sleeme.

2 QOM'I 30:22

Waawutmo Hesekia múk tlahhoó Laáwi guri xirfayeés gay muunuú i qaás asma sluufmisuudá' nguna geerahariyé' ar sagalooár ur. Alaá deelo faanqw iwa waaráhh, nee muu /aymaro tawa hhe'eés, ilahhooár wayda ar muruú ta tsu/i nguri haniisiyé', AAKOÓ MUNGÚ, Munguú baabi'ii'ín, ngway sluufmiisiyé'.

2 QOM'I 34:19

Qoomár waawutmo /ayma'aá kitaábuuduú dabe ngiwa axaás, tlabaawós gay feehhamiís.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

2 QOM'I 35:3

Inós múk Laáwi kudá' taa paraátl baraá múk Israeliro as intsaahhatimisuú daanduú AAKOÓ MUNGÚ, guri báy, «Sandakmoó alqado, kudá' Solomon garmoó Daudi aa do' i tleéhh, kuungá' gár kus loohisa' i káhh, hamí daxta AAKOÓ Munguúhúng sagadiyusaak nee mukós oo Israeliro.

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

ESRA 7:11

Gaarí an gooír barwito'oodá' waawutmo Artashasta aa haniís dír kaahamusmo Esra, kuduú kaahamusmo, kuduú goousmo kudá' hara'ayár AAKOÓ MUNGÚ gaa intsaatsaahh nee kaahirós tidá' aa haniís dír múk Israeli,

NEHEMIA 10:1

Kudá' dugeeni nga qaasiye' an kuká': Heé geera an ga/aawusmo Nehemia garmoó Hakalia, nee Sedekia.

NEHEMIA 12:26

Mukwí ina hoót qoomaadár Yoyakimu garmoó Yeshua, garmoó Yosadaki, nee qoomár Nehemia tawa ga/aawusmo, nee Esra tawa kaahamusmoó Mungú nee goousmo.

NEHEMIA 7:65

Ga/aawusmo inooín gina ádbáy muruú /aymaadá' hhohhó' kuwa /ayiiká ay dír kaahamusmooduú Urimu nee Tumimu i sihhiiti.

NEHEMIA 7:70

Bahh'alé baraá kudá' uren awa tlahh'aá baabi'ii'ine, daqaari'iimar'ín ngina haniisiyé' as gadiyeérí. Ga/aawusmo gár aa haniís a kílo dakaát ar sahaábu nee iimpu mibeeri kooán, nee tlabaá kaahamuusér Mungú a tsiire kooán nee mibeeri tám.

NEHEMIA 8:2

Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

DAHARUSMO 3:4

Qoomár /aa/e nee qoomár qaseengw. Qoomár tsuunqumis nee qoomár neeto.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

TLAHHOÓ LAÁWI 23:24

«Múk Israeli ku beer, baalár hargeera ar slahhángw faanqw an boo/esá', tawa deelór hungu/uma, deelór inslaslaangw ar ta ilaharisa' ar afór tarumbeéta, nee dinku'uumár hhoohhoo' kari tlehhá'.

MALAKI 2:13

Tí sleeme an tlehhitá', kitangwduú ilahhooa, un tuntukuundá' ar hhirhheeri, nee ar /aa/e, nee ar /ifo, asma ilahhooarhúng gan sangw ilaoohiiká ar qwala/.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 7:9

Aníng aáng a slaáf, niwa hara'ayár koomaaká. Nee hara'aya niwa hardát tlakweema niri slafiyé',

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 26:14

Aníng bu'ungwduú ar gár wák baraá muruú mibaango ugwa /ayiiká qoomár niwa tsuunqumiis, nee sleeme ugwa tsee/ií duxiiká tam qoomaadá' tiwa meetagaás, nee bu'ungwduú gár wák baraá muruú mibaango sleeme ugwa hanisiiká dír gi'i. Aníng kuúng ugwa ilaiwawaá/, aá AAKOÓ MUNGÚ, Munguúeé', aníng umuúqo gár iwa hara'ayiindí daanduú bu'ungwduú gár wák baraá muruú mibaango aga iialooeés.

Yakobo 4:9

Gurhaamuuté', nee tsuunqumisé', nee /aa/amiimé'. Qasengwhúng i warqay tawa tsuunqumis, nee qwal/uuhúng i warqay tawa gurhaami.