NEHEMIA 8:6 - Biblía Axweesantá Hhohho' ar Mungú 2004

⁶ Esra AAKOÓ MUNGÚ guri xirfayeés, Munguúdá' Úr. Muu sleémeero iri ilaaóh tawa kaahi, «Amin, Amin.» Dabaaín ngaa gáwtí tleesiyé', naagáy sager'ín ngay xupu'uusiyé', AAKOÓ MUNGÚ ngway sluufisiyé', giti ngiri yaamúr oohiyé'.

NEHEMIA 8:6 Iomraidhean Croise

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

IIMU/UUNGW 24:26

Heedaádá' sagós guri xup'uús, AAKOÓ MUNGÚ guri sluufiís.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

2 QOM'I 20:18

Waawutmo Yehoshafati nee muu sleémeero oo Yuda dinkwa nee yaamuloouusér Yerusalemu AAKOÓ MUNGÚ kway i xupuú' kway sluufmiís.

2 QOM'I 29:10

«Hamí daxta, aníng aga tsabiím baraaeene alqado kawa ooaan dír AAKOÓ MUNGÚ, Munguú múk Israeli, as buhhtaawós mindiwa ki/iyé' daanduurene.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

2 QOM'I 6:4

Inós iri oó', «AAKOÓ MUNGÚ, Munguú Israeli, i xirfuuti, kudá' al'axweesantós tidá' aa oó' dír baabuúeé' Daudi gaa boo/ees.

NEHEMIA 5:13

Tlabaaeé' ngiri kuukuú', niri oó', «Umuúqo heé adoosíng ga tleehhaaká ku kukuui nee Mungú, ngu duuxi baraá do'ose nee baraá gadiyeérose. Ku kukuui nee i gaa wasleesi.» Boo/aydá' sleémeero tari oó', «Amin», Mungú kuri xirfayeés. Muu adoodá' ngira al'axweesiyé' ngiri tleehhiyé'.

NEHEMIA 8:7

Yeshua nee Bani, nee Sherebia, nee Yamini, nee Akubu, nee Shabetai, nee Hodia, nee Ma'aseya, nee Kelita, nee Asariya, nee Yosabadi, nee Hanani, nee Pelaya, inooín a múk Laáwi, dabeedá' taa soomuús kari múkwí waagwediít, qoomaarihe umuú heewo aa dirós i sihhiít.

WARA'AMI 134:2

Dabaahúng gáwtí tleesaak amoodá' hhoohhoó' i alé, AAKOÓ MUNGÚ xirfayeemisaak!

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

WARA'AMI 28:2

/Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

WARA'AMI 41:13

AAKOÓ MUNGÚ, Munguú Israeli, i xirfuuti, iimír iimu/uungw waslér wa ale ay alhhe'eesay wasle. Amin. Amin.

WARA'AMI 63:4

Án kuúng un diidi'iimiís baraá slafingw'eé' sleémeero, dabaaeé' i gáwtí tleés as kuúng uwa firiim.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

TI'INAANGW 12:27

Daqaní ki beera', ‹Gaarí a deelmooduú bee/i oo taa ilahhooár wa gaás as Pasaákuú AAKOÓ MUNGÚ, asma inós maraá múk Israeli gina waawaaraáhh baraá Misriro, qoomár múk Misri nguwa tsuú/ ala atén taa tsu/iiká.› » Múk Israeli sage gay xupu'uús, Mungú nguri sluufisiyé'.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

YEREMIA 28:6

Guri báy, «Masók an adoosíng, AAKOÓ MUNGÚ adoosíng ngi tleehhi, AAKOÓ MUNGÚ axweesantók tisíng ngi boo/eesi, xooslár Doó AAKOÓ MUNGÚ ngi baraá Babuloni wa ki/isi, dinkwa nee muu sleémeero kudá' taa amoodií loohatís.

WA/AA/I 3:41

Dabaarén nee muneerene gáwtí tleesare' amór Munguú doori.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

Geehhoeemaá 7:11

Nee malayke sleémeero taa sihhiít umuúqo bihhiwo, kitangwduú aleesleemu gwa harwét, nee bariiseedá' nee muruudá' tsiyáhh oo slaáf sleeme kaa harweér. Inooín sleémeero tari tumbarara'aát dír geeraá kitangwduú aleesleemu, Mungú kuri xirfayeemís,