NEHEMIA 8:3 - Biblía Axweesantá Hhohho' ar Mungú 2004

³ Inós kitaábuuduú dabe guri soomuús dír afeenír Afkuduú Ma'áy wa ale iimír matlaatlér boo/ ay /ametleemu, dír geeraá hhawaateedá' nee /ameenaaro, kudá' tsaahha ngi koomá'. Muu sleémeero kángw baraá kitaábuú dabe kway iiárií qaás.

NEHEMIA 8:3 Iomraidhean Croise

NEHEMIA 10:29

tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

NEHEMIA 13:1

Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

NEHEMIA 8:1

Aluuwo muu sleémeero baraá Yerusalemuro tana burumburiít adór heé wák baraá afeenír geeraá Afkuduú Ma'aay, Esra kuduú goousmo nguna ádbayé' kitaábuú dabér Mose nguwa huwi, tidá' AAKOÓ MUNGÚ aa dír múk Israelírí haniís.

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

NEHEMIA 8:4

Esra kuduú goousmo iri sihhiít dirka taa tleéhh ar peehháy as sihhtano, muko iri bihhiiwós awa doó /iyáy i sihhiít. Mukwí an ín Matitia, nee Shema, nee Anaya, nee Uria, nee Hilkia, nee Ma'aseya. Bihhaá dakós oo doó basayhe a ín, Pedaya, nee Mishaeli, nee Malkiya nee Hashumu, nee Hashbadana, nee Sekaria nee Meshulamu.

NEHEMIA 8:5

Esra kitaábu guna gweér dír ilaá muu sleémeero wa alé, asma i gáwtí dirii' dír muko, qoomár nguwa gweér muu sleémeero tari sihhiít.

Marko 12:37

Daudi inósuú kilá' gun Aakoowós ar ateetín. Daxta adór tar garmaawós?» Axweesantá Yesu boo/oó yaariír gana axamiís ar qwala/

Luka 19:48

Ala gár ta tleehhi kaa slayká. Asma muu sleémeero axweesanaywós guna ló'wa slaá' axmisuwo.

Luka 8:18

«Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Tlehhema'aá ya/Abuuse 20:11

Aluuwo Paulo iri gáwtí kií/. Mikaáte gari parhhamiís. Iri /ayín. Iri malé kumiít dir'íní axweesanto ay matlaatle. Matlaatleero iri tláy.

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 3:22

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»