NEHEMIA 8:2 - Biblía Axweesantá Hhohho' ar Mungú 2004

² Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

NEHEMIA 8:2 Iomraidhean Croise

NEHEMIA 10:29

tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

NEHEMIA 13:1

Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

ISAYA 28:9

Inooín aníng in niqimiisiyá' iwa yaahamisiya', «Heé i intsaahhatisi a heemá? Heé i ya/abtoórí ooi a heemá? A na/iidá' naa sangw /oní'i? Kudá' taa sangw iseemaá /íti?

TLAHHOÓ LAÁWI 23:24

«Múk Israeli ku beer, baalár hargeera ar slahhángw faanqw an boo/esá', tawa deelór hungu/uma, deelór inslaslaangw ar ta ilaharisa' ar afór tarumbeéta, nee dinku'uumár hhoohhoo' kari tlehhá'.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 29:1

«Slahhángw faanqw bál bar wak, dinku'uumár hhoohhoo' ka tlehhá', baalaarihe ma gadiyuusara'. Tarumbeéta baalaarihe an ufhhá'.

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

DABE 17:18

Qoomár barnaxes waawutmo aa iwiít gawaá kitángw waawuti'iima, gooír hatlá' ar dabeerí ngi dír geeraá kaahamuusér Mungú ar tlahhoó Laáwi wa gooin.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.