NEHEMIA 8:17 - Biblía Axweesantá Hhohho' ar Mungú 2004

¹⁷ Dinku'uumár mukdá' sleémeero naa waatl baraá looháy wa aleeró, isleeri ngiri tleehhiyé', nay baraadá' wa hootiyé', asma iimír de'emaá Yoshua garmoó Nuni tam ay baalaadá' múk Israeli adoodá' gaa tleehhiiká. Qwal/uú yaariír iri deeruút.

NEHEMIA 8:17 Iomraidhean Croise

1 QOM'I 29:22

Baalarihe tana /ayín nee tari wahán ar qwal/aamaye dír geeraá AAKOÓ MUNGÚ wa ale. Solomon ngway iimbalaaxiyé' ar di/i sagá wa tsare ar umuú AAKOÓ MUNGÚ as tawa waawutmooín, nee Sadoki tawa kaahamusmoó Mungú.

2 QOM'I 30:26

Qwal/uú úr iri tleehharuút baraá Yerusalemuro, asma iimír qoomár Solomon garmoó Daudi, waawutmoó Israeli, gár adór tí baraá yaamaá Yerusalemuro kaa baloó ariiká.

2 QOM'I 35:18

Deelór Pasaáka ar ur ar adór tí kaa baloó /ayiiká baraá Israeliro iimír aarusmo Samueliwo. Waawutmo tumu wák i kaahh oo deelór Pasaáka gaa tleehh adór waawutmo Yosia wa aleeró, dinkwa nee kaahamuusér Mungú nee múk Laáwi nee múk Yuda sleémeero, nee múk Israeli nee yaamuloouusér Yerusalemuro.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

ESRA 3:4

Inooín deelór ur ar isleeri kana amohhe'eemiís ar adoodá' kara gooín, nee umuú baalaaro ilahhooár da/a kana da/aa/án ar adoodá' kara oó' nee ar adoodá' kas hariím.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

DABE 16:15

Deelo faanqwe AAKOÓ MUNGÚ, Munguúhúng un deelór úr i tlehhá', didá' inós aa tsawaár as umuuwós kuwa didá' wa teetin, asma kuungá' AAKOÓ MUNGÚ, Munguúhúng nu tsuuq baraá balangwhúng sleémeero, nee baraá gadiyeduuhúng sleémeero, kuungá' tari ló'wa qwala/á'.

Ebrania 11:13

Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

Ebrania 11:9

Iri hoót ar haratlintaao baraá yaamuudá' Mungú aa dirósií al'axweés. Ala inós a adór dahaaymo baraá yaamuudae. Ina hoót baraá heémár wa ale tam Isaka nee Yakobo sleeme tana baraá heémár hoót al'axweesantadá' Mungú aa oó' kari sláy.

Ebrania 4:8

Yoshua geeraawo bar muu ngwa dahaás baraá hungu/umaá ló', Mungú geera kángw baalár hatlá' ngwa ooiiká.

YOSHUA 1:1

Sagadiyusmoó AAKOÓ MUNGÚ kudá' ta bay Mose iwa gwaá', AAKOÓ MUNGÚ Yoshua garmoó Nuni alee/iisusmoó Mose, guri báy,