NEHEMIA 8:15 - Biblía Axweesantá Hhohho' ar Mungú 2004

¹⁵ Inooín adoorí ngiwa alki/itiya' baraá gixsaduuine, baraá Yerusalemuro tawa kaahi, «Tsa/amé' gawaá tlom'i haleemaá seituúni ngi hubá' nee awa seituúnír sla/a, nee awa xa'anoó ta bay hadasi, nee haleemaá slaansla nee awa xa'anoó yangaariír as isleeri tleehha ar adór kara gooín.»

NEHEMIA 8:15 Iomraidhean Croise

IIMU/UUNGW 8:11

Hhookidá' nay kí/ tsiindoowo, i loo/ír naá/ koón afkose, ar xa'anoó ta bay seituúni. Naagáy Noa gari tsaáhh adór ma'aay nira faakiyé' gawaá yaamuwo.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

TLAHHOÓ LAÁWI 23:40

Bál deelór geera mamaá xaaihúng awa tsuuá' ki lehhá', nee haleemaá xaa'aá loo/o yaariir nee haleemaá ti'imaamitá' baraá afaá yaaér wa ale, kuungá' deelór ur kari tlehhá' deelo faanqw geeraá AAKOÓ MUNGÚ, Munguúhúng wa ale.

SEKARIA 1:8

Qoomár xweeraawo malaykamo una ár aa tsa/án gawaá faraásír daa/aat. Malaykamoodá' aa sihhiít baraá xatsa tla/ángw xaa'aá ta bay hadaási. Nee aluuwose farsú hatlá' i deer, oo da/atén nee oo kal'aá bahayen nee oo /awák.

Matayo 21:1

Tari Yerusalemií tseewúy, tari hardáh Betfage, dír tloomár xaaiikaari ta babay seituúni. Yesu eeharuusér tsár gari ya/aáw,

Yohana 12:13

Haleemaá slaansla kiri taataáhh, tari tsee/ií ti'iít as kuwa al'ay. Tari tsimahhuús ar afór ur, ta kaahi, «Hosana, i xirfuuti kudá' hardáh ar umuú Aako, Waawutmoó múk Israeli.»

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

Geehhoeemaá 7:9

Alaá tihe aníng niri qaytsiít, boo/oó yaariír ló'wa ale nguri ár, oo hee faarooro i baloó aleeslayká. Mukwí dír i dahhi a baraá umuúqo xoorooro nee umuúqo tlahhaywo nee umuúqo mar'afto nee umuúqo tsifriro. Taa sihhiít dír geeraá kitangwduú aleesleemu, nee dír geeraá Deelmooduú bee/i, kaa tsiitiís ar tlabaá /awak, nee slám i haleemaá slaanslár koná' gawaá dabaaine.