NEHEMIA 8:13 - Biblía Axweesantá Hhohho' ar Mungú 2004

¹³ Tam bál tsare mukdá' urén oo tlahh'aá baabi'i sleémeero nee kaahamuusér Mungú nee múk tlahhoó Laáwi, Esra kway haraburumburiít inósuduú goousmo as /ayma'aá dabe kiwa intsaatsahhi.

NEHEMIA 8:13 Iomraidhean Croise

2 QOM'I 30:23

Muu tari axweesani sláy tawa kumiiti deelór hatlá' faanqwe. Naagáy tari kumiít deelór ur kawa tleehhi ar qwala/ har afiqoomár deelo faanqw.

NEHEMIA 8:12

Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

NEHEMIA 8:14

Nee adór kara gooín baraá dabeero kari sláy, adoodá' AAKO aa oó' ar loohír Mose, as kahhó' múk Israeli iwa baraá isleerí wa hooti, deelór ur ar slahhángw faanqw.

AXWEESANOÓ SAGALOOA 12:1

Heé naanaqa ga slaá' a tsaahha gan slaa', Ala heé iigahhaata gaa sii' a daktani.

Luka 24:32

Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Tlehhema'aá ya/Abuuse 13:42

Paulo nee Barnaba tawa ti'iít, muu giri firín as axweesanaywí nguwa malé axweesiya' bál deelór Sabaátór tsare.

Tlehhema'aá ya/Abuuse 4:1

Qoomár Petro nee Yohane tawa dír múkwí axweesi, kaahamuusér Mungú, nee geeraharusmoó xuumuusér Doó Mungú, nee múk Sadukayo tari didaádií hardáh.