NEHEMIA 8:12 - Biblía Axweesantá Hhohho' ar Mungú 2004

¹² Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

NEHEMIA 8:12 Iomraidhean Croise

1 QOM'I 29:22

Baalarihe tana /ayín nee tari wahán ar qwal/aamaye dír geeraá AAKOÓ MUNGÚ wa ale. Solomon ngway iimbalaaxiyé' ar di/i sagá wa tsare ar umuú AAKOÓ MUNGÚ as tawa waawutmooín, nee Sadoki tawa kaahamusmoó Mungú.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

NEHEMIA 8:11

Gawaá adoorihe, múk tlahhoó Laáwi muu sleémeero guri xasltís, tawa kaahi, «Xasliité', ma gurhamutaara', asma baalaarír laarí ka hhoohhoo'.»

NEHEMIA 8:13

Tam bál tsare mukdá' urén oo tlahh'aá baabi'i sleémeero nee kaahamuusér Mungú nee múk tlahhoó Laáwi, Esra kway haraburumburiít inósuduú goousmo as /ayma'aá dabe kiwa intsaatsahhi.

ESTA 9:22

Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:127

Gawaá adoorihe hara'ayarók a slaá' sahaábu ba/a, tam sahaábu hhoohhoó' ba/a.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

WARA'AMI 119:14

Axweesantók eeharto an saqwalalaá/, tam daqaari'iimár yaariir ba/a.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:171

Xirfuuwók u alki/iít ar afkwe'eé', asma iga intsaahhatís kaahiroge.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:72

Dabeerók tidá' taa qás ka aníng wa hhoo', ta daqaari'iimár baraá yaamuwo.

WARA'AMI 119:97

Dabeerók aga gurií baá/, tlaatla/angw sleémeero an gár ni aldakuut.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

Luka 24:32

Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Rumi 7:18

Asma aníng aga xuú' gár hhoo' ar baraaeé' wa hoot i káhh, gídaabá baraá slaqwte'eé'. Tidá' hhoo' ngiwa tleehh a slaá', ala tleehhamooro a aleeslawaaká.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.