NEHEMIA 8:1 - Biblía Axweesantá Hhohho' ar Mungú 2004

¹ Aluuwo muu sleémeero baraá Yerusalemuro tana burumburiít adór heé wák baraá afeenír geeraá Afkuduú Ma'aay, Esra kuduú goousmo nguna ádbayé' kitaábuú dabér Mose nguwa huwi, tidá' AAKOÓ MUNGÚ aa dír múk Israelírí haniís.

NEHEMIA 8:1 Iomraidhean Croise

2 WAAWITÁ 23:2

Waawutmo iri tsa/án amór Doó AAKOÓ MUNGÚ dinkwa nee múk Yuda sleémeero, nee yaamuloouusér Yerusalemu sleémeero, dinkwa nee kaahamuusér Mungú nee aaruuseero, nee muu sleémeero oo ninákw nee oo urene, axweesanoó kitaábuú alqado sleémeero guri dir'ín i soomuús, kudá' taa sláy baraá Doó AAKOÓ MUNGÚ wa aleeró.

2 QOM'I 34:15

Hilkia goousmo Shafani guri báy, «Kitaábuú dabe ugwa sláw baraá Doó AAKOÓ MUNGÚ wa ale.» Kitaábuúdá' gway haniís dír Shafani.

2 QOM'I 34:30

Waawutmo dinkwa nee muu sleémeero oo Yuda nee oo Yerusalemu nee kaahamuusér Mungú, nee múk tlahhoó Laáwi nee na/ii nee múk urene tari tsa/án amór Doó AAKOÓ MUNGÚ. Waawutmo axweesanoó kitaábuuduú alqado taa sláy baraá Doó AAKOÓ MUNGÚ wa ale, guri soomuús dir'íní aleeró.

ESRA 7:1

Alaá kaangwihe qoomár waawuti'iimár Artashastawo, waawutmoó Persia, heeko i deer umuuwós a Esra. Esra garmoó Seraya, garmoó Asariya, garmoó Hilkia,

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:11

Gaarí an gooír barwito'oodá' waawutmo Artashasta aa haniís dír kaahamusmo Esra, kuduú kaahamusmo, kuduú goousmo kudá' hara'ayár AAKOÓ MUNGÚ gaa intsaatsaahh nee kaahirós tidá' aa haniís dír múk Israeli,

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

NEHEMIA 12:26

Mukwí ina hoót qoomaadár Yoyakimu garmoó Yeshua, garmoó Yosadaki, nee qoomár Nehemia tawa ga/aawusmo, nee Esra tawa kaahamusmoó Mungú nee goousmo.

NEHEMIA 12:37

Dír Afkuduú Tsiinqaro nina gáwtí tsa/ané' ay amór gixsár Daudi, tana waaraáhh ar dír doó Daudi, alaá koo/i kana xuú' ay Afkuduú Ma'aay bihhaá da/aáw awa gixsa.

NEHEMIA 3:26

dinkwa nee sagadiyuusér doó Mungú tidá' baraá Ofeli hoot, dír taa /abeés tlehhmuuwo a didá' nee Afkuduú Ma'aay ti ga/aawá' bihhaá da/aawe ay amór /ampár tleer.

NEHEMIA 8:16

Naagáy muu sleémeero tari ti'iít haleemiidá' kingiri huúw, isleeri ngiri tleehhiyé' umuú heewo gawaá daárír do'ós, nee baraá afeenír maray'ine nee baraá afeenír Doó Munguhe, nee baraá afeenír Afkuduú Ma'aay, nee dír afeenír Afkú Efraimu.

NEHEMIA 8:3

Inós kitaábuuduú dabe guri soomuús dír afeenír Afkuduú Ma'áy wa ale iimír matlaatlér boo/ ay /ametleemu, dír geeraá hhawaateedá' nee /ameenaaro, kudá' tsaahha ngi koomá'. Muu sleémeero kángw baraá kitaábuú dabe kway iiárií qaás.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

TLAHHOÓ LAÁWI 9:5

Xoorór Israeli muruuwí sleémeero kuri huúw dír geeraá heémár Mungú, adoodá' Mose ngira hara'ayín. Xooro sleémeero iri tseewuúr, iri sihhít dír geeraá AAKOÓ MUNGÚ.

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:2

«Intsaahhatuusér hara'ayár Mose nee múk Farisayowo taa iwiít gawaá kitángw Mose as hara'ayaarós kawa alki/iiti.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

DABE 31:11

qoomár múk Israeli sleémeero birna hardáh dír geeraá AAKOÓ MUNGÚ, Munguúhúng didá' handá' inós aa tsawaár, kuúng dabeerí soomuseek dir geeraá múk Israeli sleémeero wa ale.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

HAR'OHUUSE 20:8

Mukwí sleémeero iri sihhiít adór heé wák ar ale tawa kaahi, «Tam heé wák oo waátl amór heémarós, laqaá tam amór do'ós i kaahh.