NEHEMIA 7:6 - Biblía Axweesantá Hhohho' ar Mungú 2004

⁶ Mukwí an kudá' naa baraá looháy wa waatl, kudá' Nebukadnesa waawutmoó Babuloni aa loohatís, inooín niri ki/iyé' Yerusalemu nee baraá yaamaá Yuda, umuú heewo baraá gixsarós.

NEHEMIA 7:6 Iomraidhean Croise

2 WAAWITÁ 25:11

Nebusaradani, geeraharusmoó xuumuusér waawutmo, muu sleémeero kudá meet baraá gixsa, nee kudá' sleémeero daber'ín ngaa haniisiye' dír waawutmoó Babuloni, guna loohatís.

ESRA 5:8

«Kaangwí i xu'utiiti dír kuúnguú waawutmoowo adór atén nira hardahaán baraá yaamaá Yuda, dír doó Munguúdá' úr, do'odá' kwaa tleéhh ar tlaa/aá uren nee koo/irós kaa tleéhh ar xaa'aá diren. Gadiyeérí kan ilakaaharúr tlehhiit nee in gaanslár hi'ít.

ESRA 6:2

Kitaábuú wák kuri sláy baraá Ekbatana wa alé, gixsadá' ur ar ayaá Media, nee baraadae /ayma'aá taa gooín an kuká',

NEHEMIA 1:3

Tina báy, «Múk aa /uy loohatisaro, kudá' aa baraá yaamuudá' i meet, i baraá slahh'amuú yaariír nee mureekesaay. Slám koo/idár Yerusalemu kaa feé/, nee afeerós kaa daá/ ar asla.»

NEHEMIA 7:7

Inooín kingina geerahaár nee Serubabeli, nee Yeshua, nee Nehemia, nee Asariya, nee Ra'amia, nee Nahamani, nee Mordekai, nee Bilshani, nee Mispereti, nee Bigwai, nee Nehumu, nee Ba'ana. Gaarí an faarór hhawaataá múk Israeli.