NEHEMIA 7:1 - Biblía Axweesantá Hhohho' ar Mungú 2004

¹ Qoomár koo/i kawa tleéhh, nee afér do' ngiwa qaás, nee xuumuusér afér doó Mungú ngiwa sláw nee daauuseero nee múk tlahhoó Laáwiwo,

NEHEMIA 7:1 Iomraidhean Croise

2 WAAWITÁ 7:10

Gawaá adoorihe, nari dír xafayduú múk Aramu wa tlayé', nee mukdá' afér gixsár xuúm kuri ateét, kuri báy, «Atén ana amór xafoó múk Aramu kawaán, nee heé ta araán laqaá oo ta axasaán wa/amedae i kaahh. Faras nee daqwaayero i tseegamorí kahhiyá', nee heemaduuín kaa adoodár kilá' i geexáy.»

2 QOM'I 31:2

Waawutmo Hesekia kaahamuusér Mungú nee múk Laáwiwo giri malé qaás baraá gadiyeédí ale, as tawa gadiyuusi baraá Doó Mungú wa ale. Gadiyér ngi qasmiís a ilahhooa da/a/aangw, nee ilahhooár wayda hanmis, niwa gadiyuusiya' dír afkú heémár AAKOÓ MUNGÚ wa ale, nee xirfayeemis nee sluufaywo.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

NEHEMIA 10:39

Asma múk Israeli nee múk tlahhoó Laáwiwo ilahhooár balaangw ngin huwiyá', nee difaáiro, nee di/tá xaa'aá seituúni baraá kutwaydá' xooslaá hhohho' awa doó Mungú kiwa amohhe'eemisi, didá' kaahamuusér gadiyuus nee xuumuusér afér do'o nee daauuse i kutway'ín koná'. Qooma sleémeero atén doó Munguúrén u baseehuwanaaká.

NEHEMIA 11:3

Baraá gixsadaá hatlae múk Israeli nee kaahamuusér Mungú, nee múk tlahhoó Laáwiwo, nee xuumuusér afér do', nee xwaylár sagadiyuusér Solomon nina baraá ayeemooín wa hootiyé'.

NEHEMIA 12:24

Geeraharuusér múk tlahhoó Laáwi a Hashabia, nee Sherebia, nee Yeshua garmoó Kadmieli, nina alsihhiitiyé' nee hhaeeín, as daa'ángw ilahhooa nguwa daaiya' nee oo xirfayeemisuuwo, ar adoodá' waawutmo Daudi heé Mungú ngira oó'.

NEHEMIA 6:1

Sanbalati nee Tobia nee Geshemu, heé Ma/arabu nee wakuuseerén tidár hatlá' kawa axaás adór koo/i ngira tleéhh nee dír foox i káhh baraawose (tam qoomaadae afér do' aga sihhtisiikahe).

NEHEMIA 6:15

Naagáy bál slahhángw Eluli tawa mibeeri tsár nee kooán koo/idá' iri hhooeér. Deelo kaa hhe'eesaán mibeeri kooán nee tsár.

NEHEMIA 6:19

Slám hhooeemaawós ngina dir'eéní aainé' nee axweesante'eé' ngina amoorósí ki/imaamisiyé'. Tobia sleeme aníng ina barwadaá dae tlaqúwí gooaaín.