NEHEMIA 6:9 - Biblía Axweesantá Hhohho' ar Mungú 2004

⁹ Asma inooín adoorí kana tleéhh as tiwa dae tsatiya' tawa kaahi, «Inooín i daba' tsatiitiyá', nee gadiyeé ngiri harslaaqatiyá'.» Ala aníng Munguúeé' nguri firiím niwa kah, «Aá Mungú, kuúng dabaaeé' /uurií qaaseek.»

NEHEMIA 6:9 Iomraidhean Croise

2 QOM'I 15:7

Ala kuungá' ma mune siaara', ma daba' tsatiitara', asma kuungá' slaqwér gadiyérhúng a sleerá'.»

2 QOM'I 32:18

Sagadiyuuseedá' ina axwés ar tsifrír Ebrania nee ar tseeo dír múk Israeli, kuduú gawaá sagér koo/i, asma inooín nina tsabiné' kiwa dae tsati nee kiwa amoqwaareesi, as gixsa kawa adór inslaahhár hayoohi.

ESRA 1:6

Inslaawaay sleémeero mukdá' guna alee/iís ar xooslaá peésa nee sahaábu, ar daqaari'iima nee ar makaay, nee ar muruudá' ak hhó', dinkwa nee muruudá' sleémeero taa sla'aarír ar hanmiís.

NEHEMIA 6:14

Mungú nguri firiím, iri oó', «Aá Munguúeé', muruudá' Tobia nee Sanbalati naa tlehhahhitiyé' inslaweek, tam aaruso'oodá' ta bay Noadia, nee aaruuseedár hatlae, kudá' aníng iga dae tlaaqiye'.»

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 56:3

Qoomár bara da'ayuút, án kuúng un harahhiíf.

WARA'AMI 68:35

Mungú an kudá' dae tlaáq dirós tidá' hhoohhooe, an Munguú Israeli. Inós mukós gu /uurií hanmiis, nee aleesleemu. Mungú xirfayeemisaak!

WARA'AMI 71:1

Án naa amoorók i goów, AAKOÓ MUNGÚ, án mitiwa baloó mureekeés.

ISAYA 40:29

Inós mukdá' nusqumiít gun /uurií hanmiis, nee kudá' aleesleemuú koma'aaká gin /uurií dogiit.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

ESEKIELI 30:24

Aníng dabaá waawutmoó Babuloni in /uurií qaás, nee paángar'eé' ngiri qaás gawaá dakós. Ala dabaá waawutmo Farao in giqáw, nee inós iri /iif geeraá waawutmoó Babulonír wa alé, adór heé taa ló'wa tlaaqán.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

Efeso 3:16

Án Mungú u firiiriím as /uuru nguwa kuungá' i haniisi ar Qeeruuwós, baraá munerhunge, ar har qoomoó daqaari'iimár xirfuuwós,

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Ebrania 12:12

Gawaá adoorihe, daberhúng tidá' aa wanana'at gáwtí gan'aasaak, nee gurunge'eerihúng kudá' /uuruú kooma'aaká kwa/asaak.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.