NEHEMIA 6:17 - Biblía Axweesantá Hhohho' ar Mungú 2004

¹⁷ Slám baraá deeloodae múk urén oo Yuda, Tobia kuna barwadaá yaariír i huwahuúw, nee awa Tobia ngiri slaslayé'.

NEHEMIA 6:17 Iomraidhean Croise

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

NEHEMIA 13:4

Qoomár bál deeloodá' ur niwa xeeriiká kaahamusmo Eliashibu kudá' taa tsawaár as kutuwoó doó Munguúrén nguwa xun, inós nee Tobia ti oohiyá'.

NEHEMIA 3:5

Bihhikariya' kina tleéhh nee múk Tekoár daáhh ala geeraharuusér gixsa gadiyér daba' tlehhtuuwo ina sí', tidá' taa oó' nee sagesihhtuuser'ín.

NEHEMIA 5:7

Adór ni /iis ngay leeleéhh. Tiri awaán nee mukdá' urén nee geeraharuuseero, ngiri báw, «Hhaeehúng iga /aytiindé'.» Aníng muu nguri burumbuúr as kahhó' nee inooín tiwa axweesani tlaxuna'.

NEHEMIA 6:16

Ala wakuuserén sleémeero kaangwí nguwa axás, nee sleémeero kudá' taa harweeriye' tari da'ayuút, niri kilooín mune si'iyé'. Asma ngina tsaahhiyé' adór gadiyeérí sleémeero kara tleehhaán ar alee/isoó Munguúrén.

NEHEMIA 6:18

Asma baraá Yudawo múk yaariír inós gwaa lo'ór /aymiís, asma taatoó hareerós a Shekania garmoó Ara, nee Yehohanani garmaawós dasír Meshulamu, garmoó Berekia gana duúx.