NEHEMIA 6:16 - Biblía Axweesantá Hhohho' ar Mungú 2004

¹⁶ Ala wakuuserén sleémeero kaangwí nguwa axás, nee sleémeero kudá' taa harweeriye' tari da'ayuút, niri kilooín mune si'iyé'. Asma ngina tsaahhiyé' adór gadiyeérí sleémeero kara tleehhaán ar alee/isoó Munguúrén.

NEHEMIA 6:16 Iomraidhean Croise

NEHEMIA 2:10

Ala Sanbalati heé xoorór Horoni, nee sagadiyusmoowós Tobia, heé xoorór Amoni, hardahmueé' nguwa axaasiyé', as xoorór Israeli ngiwa hhooeemáy tleehh, inooín niri ló'wa gurhamuutiyé'.

NEHEMIA 4:1

Sanbalati ngiwa axaás adór atén tar koo/ír tlehhitaán, iri ló'wa buúhh, tiri iimu/ún niqmisuuwo

NEHEMIA 4:7

Alaá Sanbalati, nee Tobia nee múk yaamaá Ma/araábu nee oo Amoni nee oo Ashdodi kawa axaás adór gadiyér koo/ír Yerusalemu ir geerií kumít, nee adór wa/angwdá' aa porxomiit kur tipín ar adór qoom, inooín nina ak buhhiyé'.

NEHEMIA 6:17

Slám baraá deeloodae múk urén oo Yuda, Tobia kuna barwadaá yaariír i huwahuúw, nee awa Tobia ngiri slaslayé'.

WARA'AMI 109:27

Wakuuser'eé' xu'utiseek adór gaarí tar dakók oo aníng iga ba/amis. Tí ngi tsaahhiye' adór kuúng kara tléhh.

WARA'AMI 126:2

An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', «AAKO mukós gwa gár ur i tleéhh.»

WARA'AMI 129:5

Mukdaádá' Siyoni gaa aahh, aluú i ki/isek ar mure.

WARA'AMI 147:2

AAKOÓ MUNGÚ gixsár Yerusalemu gan tlehhiit. Múk Israeli, kudá' aa diyaa/aat gun burumburín.

TI'INAANGW 14:25

Ya'aá gaarduuín giri hhitín, gaardu nari hi'iimitiyé' ar tseegamis, múk Misri iri oó', «Gusé', a guwaán geeraá múk Israeli wa ale, asma AAKOÓ MUNGÚ i barti'ín wa slaaqw amoorén i ale.»

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

FAARO 23:23

Ar looeemawo múk Yakobo da/aluuse gu baqká, tam qwaslaare sleeme múk Israeli gu aleesleeraaká. Hamí daxta muu iri ooi daanduú múk Israeliwo, ‹Qayté' waa/oo/amór Mungú aa tleéhh!›

Tlehhema'aá ya/Abuuse 5:38

Gawaá adoorihe aníng kuungá' nun baw, ma gaanslimaara' daanduú muksinge. Muksíng geemawaak, asma kaangwí laqaá gadiyeérí barnaxes ar dákw hee, i hhitirút.

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.

YOSHUA 2:9

giri beér, «Aníng a xuú' adór AAKOÓ MUNGÚ yaamuuká' ngira qaroó kuungií haniís. Atén hamí dae taa fák as kuungá', nee yaamuloouuse sleémeero ila' gaa wák dirhunge.

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.