NEHEMIA 6:14 - Biblía Axweesantá Hhohho' ar Mungú 2004

¹⁴ Mungú nguri firiím, iri oó', «Aá Munguúeé', muruudá' Tobia nee Sanbalati naa tlehhahhitiyé' inslaweek, tam aaruso'oodá' ta bay Noadia, nee aaruuseedár hatlae, kudá' aníng iga dae tlaaqiye'.»

NEHEMIA 6:14 Iomraidhean Croise

NEHEMIA 13:29

Munguúeé', inslaweek adoodá' kahamuusi'iima ngira meetagaasiyé' nee alqadór kahamuusi'iimaro nee ar tlahhoó Laáwiwo.

NEHEMIA 5:19

Aá Munguúeé', hám daxta hhooeemaeé' kuká' naa mukwí tleéhh inslaweek.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 22:1

Munguúeé', Munguúeé', án misa meér? Kuúng mustu saáw, mis alee/iská uwa i /aa/amiim baraá slahh'amueene.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

YEREMIA 28:1

Kurkuduú kilae, slahhángw kooán oo kurkú tsiyáhh oo waawuti'iimár Sedekia waawutmoó Yuda, Hanania garmoó Asuri, aarusmoó gixsár Gibeonír daáhh, ina dir'eé' axweés baraá Doó AAKOÓ MUNGÚ wa alé. Ina i axweés dír geeraá kaahamuusér Mungú wa ale, nee geeraá muu sleémeero, iri báy,

YEREMIA 28:10

Naagáy, aarusmo Hanania taaqwantidá' taa tseék gawaá istá Yeremia gari taataáhh, gari geeqáy.

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

Matayo 24:11

Aaruusér yaariir ar lamuuse ni hardát, inooín múk yaariír ku al/aay.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

2 Timoteo 3:8

Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.