NEHEMIA 6:12 - Biblía Axweesantá Hhohho' ar Mungú 2004

¹² Aníng ngiri tsaáhh adór heé ngwaa ya/aaw tar Munguheeká, ala inós aaru'uumarí ngiwa ooi daanduueene, asma Tobia nee Sanbalati nguna peésaárí haniisiyé'.

NEHEMIA 6:12 Iomraidhean Croise

NEHEMIA 6:11

Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

NEHEMIA 6:13

Inooín nguna peésaárí haniisiyé', as aníng niwa da'ayuut, nee tlakweema ngiwa tleehh. Gawaá adoorihe inooín pa/aangw nguri slayá' oo iwa uma hhitina' nee iwa niqina'.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 23:25

Aníng axweesantá aaruuseedá' lamtá aaririim ar umuueé' aga axaás tidá' tawa kaahi, ‹Aníng aga tlatitiím, aníng aga tlatitiím.›

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

ESEKIELI 13:22

«Kuungá' múk hota ganaá' ugwa daba' tlaqé' ar lameemoohúng, oo aníng naa diqiya' tsatiiká, nee múk tlákw kuri /uurií hanisé', tlakweema tlehhtuuwo tari kumiít, nee slafingw'ín kuri ba/amisiiká.

ESEKIELI 13:7

Xáy, aníng kuungá' nu yaahaás, iigu'utuú lamtá tawo ugwa kati'iikáhe, nee aarír al/ayma aga oiindí'iíke? Kuungá' a kata' an axwesá' ar umuueé', tam aníng kuungá' naa baloó ádbawiikahe.›

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Tlehhema'aá ya/Abuuse 20:33

Aníng peésár hee aga baloó slaiiká, laqaá sahaábu, laqaá tam inqwaruuwós.

1 Korinto 12:10

Nee oo hatlá' aleesleemu gun sláy oo muruú waa/oo/amo nguwa tlehhiiti. Kooko aleesleemu gun sláy oo iwa aariirin. Oo hatlá' aleesleemu gun sláy oo qeeruú dimbadimbé nguwa tsatsahhan. Nee kooko aleesleemu gun sláy oo iwa axweesi ar tsifrír dimbadimbé ar xuawaslen, nee oo hatlá' aleesleemu gun sláy oo tsifridá' ngiwa ilaharmiisi.

1 Korinto 2:15

Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

1 Petro 5:2

Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Geehhoeemaá 18:13

Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.