NEHEMIA 6:11 - Biblía Axweesantá Hhohho' ar Mungú 2004

¹¹ Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

NEHEMIA 6:11 Iomraidhean Croise

NEHEMIA 6:12

Aníng ngiri tsaáhh adór heé ngwaa ya/aaw tar Munguheeká, ala inós aaru'uumarí ngiwa ooi daanduueene, asma Tobia nee Sanbalati nguna peésaárí haniisiyé'.

NEHEMIA 6:3

Aníng ya/abuuse ana amor'ín i ya/aáw ana oó', «Gadiyeérí ni tleehh ka ur tam daqeemuú amorhúng ngu aleeslawaaká, hám gár gadiyeé ngis maw nay /eét amorhúng a milá?»

NEHEMIA 6:9

Asma inooín adoorí kana tleéhh as tiwa dae tsatiya' tawa kaahi, «Inooín i daba' tsatiitiyá', nee gadiyeé ngiri harslaaqatiyá'.» Ala aníng Munguúeé' nguri firiím niwa kah, «Aá Mungú, kuúng dabaaeé' /uurií qaaseek.»

WARA'AMI 112:6

Heé tlehhmi'i hhó' gár gur baa/ i káhh. A heé ta inslaslay umuúqo daqto.

WARA'AMI 112:8

Baraawose i kwislmiitiiká, slám i da'ayuumiitiiká. Ga xuu' kángw kilá' wa ale adór wakuuseerós ngir ba/i.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

DAHARUSMO 10:1

Ba'aruú aa qaatl di/tá mooyángw koom ga dixis, daktu'uumár niina sagalooa nee ilaiwa/ame gan hhitiín.

ISAYA 10:18

Gartós tidá' xiríf nee qamaá mamaá yaariir AAKOÓ MUNGÚ gin hhaamiis, iimír baráy wa oohang ay gawa, slaqás adór heé tiqti aa alhhe'és gaasaro.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»