NEHEMIA 6:10 - Biblía Axweesantá Hhohho' ar Mungú 2004

¹⁰ Ana dáh baraá doó Shemaya, garmoó Delaya, garmoó Mehetabeli kudá' taa tseék, inós iri báy, «Ti doogaán baraá Doó Mungú, nee afér Doó Mungú kari tseegaán, asma xweeraawo inooín nin hardihiyá' as kuúng uwa gaasiya'.»

NEHEMIA 6:10 Iomraidhean Croise

IIMU/UUNGW 36:39

Ba'al-hanani, garmoó Akbori, iwa gwaá', Hadari iri waawuti'ín kitaangós wa ale, nee umuú gixsarós an Pau. Umuú hareerós an Mehetabeli, dasír Matredi. Aamaarós a Mesahabu.

1 WAAWITÁ 6:5

Koo/ír do' gana harweér ar kutuwaay, kuká' tina oohiyé' nee koo/ír do' umuúqo diiro ar doó saalingo nee ar do'duú baraá guruú do' i diriia. Kutuwoó bihhér do' guna tleéhh bihhe sleémeerowo.

2 WAAWITÁ 11:3

Yoashi nee inós tana alhoót baraá doó AAKOÓ MUNGÚ wa ale kudá' kway luú/ kureeri lahhoó'. Qoomaarihe Atalia a waawuto'ór yaamu.

2 WAAWITÁ 9:8

Adoorí aqo an tléhh asma doó Ahabu iwa qwaari, slám malé ale umuú hhawaatuwo oo doó Ahabu, lawaalamo laqaá tam lawaalmoowoká aníng i hhaamiís baraá Israeliro.

2 QOM'I 28:24

Ahasi xooslár Doó Mungú sleémeero gana burumbuúr gay parhhamaamiís. Naagáy afér Doó AAKOÓ MUNGÚ gari tseék, kiteeraá munguaá hatlá' kiwa sluufmiisi giri tleéhh umuú diiro baraá Yerusalemuro.

2 QOM'I 29:3

Bál slahhángw geera oo kurkú geera oo waawuti'iimarós, waawutmo Hesekia afér Doó AAKOÓ MUNGÚ gana gweér nee gari inki/ís tlehhtuwo.

2 QOM'I 29:7

Inooín sleeme afér do' ngina tseegiyé', nee tsaa'aso ngay gaasiyé', mooyangwdá' tsuú' laqaá ilahhooár da/a ngaa da/i'iiká dír kitangwdá' hhoohhoó' oo Munguú múk Israelír wa ale.

ESRA 10:31

Nee hhay Harimu a tí: Elieseri, nee Ishiya, nee Malkiya, nee Shemaya, nee Shimeoni.

ESRA 8:16

Aníng ana ya/abiím as geeraharuuseerí kingiwa ateeti, Elieseri nee Arieli, nee Shemaya, nee Elnatani, nee Yaribu, nee Elnatani, nee Natani, nee Sekaria, nee Meshulamu, dinkwa nee Yoyaribu, nee Elnatani kudaá intsaahhatuuse.

NEHEMIA 6:12

Aníng ngiri tsaáhh adór heé ngwaa ya/aaw tar Munguheeká, ala inós aaru'uumarí ngiwa ooi daanduueene, asma Tobia nee Sanbalati nguna peésaárí haniisiyé'.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 37:12

Tlakuusmo heé hota ganaá' gun geewaqaqatín, nee gun /atlií /aay.

AXWEESANOÓ SAGALOOA 11:9

Heé Mungú gu ilaiwawa/aaká inslaawaywós gun qwaarees ar afkós, Ala heé hota ganaá' xu'utirós gun tú/.

YEREMIA 36:5

Aluuwo Yeremia Baruku guri kaangwí báy, «Aníng pa/ángw niwa baraá Doó AAKOÓ MUNGÚ i dah i kaahh.

ESEKIELI 3:24

Ala qeeru iri i dáh, iri galaalaá' sihhitisaro. Naagáy Mungú iri axweés nee aníng, iri báy, «Tláw, ti baraá do'ók i tsek.

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Yohana 3:20

Asma heé muruú tlákw tlehhahhiít, gwa/aateema gi slaiiká, slám amór gwa/aateemaawo sleeme i daqayká, asma muruudá' tlákw i tlehhahhiti miwa geehhooúy.

Tlehhema'aá ya/Abuuse 21:30

Gixsa sleémeero iri amoqwát, múk baraá gixsa sleémeero iri amoodií ta'aaín, Paulo kuri óh, kuri duuruxún, kuri duúx baraá Doó Munguhe, hamtidár kilae afér do' kari tseék.