NEHEMIA 5:9 - Biblía Axweesantá Hhohho' ar Mungú 2004

⁹ Aluuwo ngiri báw, «Adoosíng ta tlehhita' i qoondaaká, xáy i harindaakáhe kuungá' Munguúrén kuwa ilaiwa/a' as xoordaá hatlá' kudaá wakuuseerén kiwa ilaa/i mitiwa niqimís.

NEHEMIA 5:9 Iomraidhean Croise

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

2 SAMUELI 12:14

Tam adoorihe as tlehhmudá' alsi'ím taa tléhh, AAKOÓ MUNGÚ ugwa kángw kilá' wa waaqá', as adoorí na/aywók i gwaa'.»

NEHEMIA 4:4

Naagáy aníng Mungú nguri firiím niwa kah, «Aá Munguúrén, niqimisuuín kwí iiárií qaaseek, waaqaqauuín kuqá' gawaaín ti ki/is, inooín maweek ki haasaáng wa huwi ay baraá yaamaá dahi'iima.

NEHEMIA 5:10

Anuú kilá', nee hhaee'eé', nee sagadiyuuser'eene peésa an kirkitimisaán nee angaánoowo tam aldaafi a sla'aanaaká? Na'asé' muruusuú aldaafi mawaak.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

AXWEESANOÓ SAGALOOA 16:29

Heé xaraásl inslaawmoowós gun afaa /aasl ar lama, guri geerahaar amór loohír qoomaaká.

AXWEESANOÓ SAGALOOA 17:26

Heé aa dakuusiiká kuwa doohhisi i qoondaaká, Tam geeraharusmo kuwa kuwa mux as kuwa tsá' a dakuús.

AXWEESANOÓ SAGALOOA 18:5

Heé tlakweemaá tlehhiít kuwa ilamurut i qoondaaká, tam hariímár heé ganaá' kawa /itiin i qoondaaká.

AXWEESANOÓ SAGALOOA 19:2

A mak gár qoomaaká hee iwa xu'utír konká nee heé gaansliím baraá gaaro tlakweema gi tleehh.

AXWEESANOÓ SAGALOOA 24:23

Axweesanaywí sleeme oo múk sagelooén, baraá kwasleemaro barqaanti i qoondaaká.

ESEKIELI 36:20

Tam qoomaadá' tawa baraá tla/ángw xoordaá hatlá', umuueé' nguna /oosliisliné', tam muu tari oó' daanduuine, ‹Ga/aawaak, mukwí an kuduú AAKOÓ MUNGÚ, ala inooín kina loohatís baraá yaamuuwose ar /uuru.›

TLAHHOÓ LAÁWI 25:36

Mu bu'utí sla'aar tam oo daa'awi gaalá. Ala Munguúwók na ilaiwawa/eek, nee hhiyaawók i hooti dinkwa nee kuúng.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 2:24

Asma Gooi i kat, «Umuú Mungú ku waaqaaqaa' nee múk xoordaá hatlá' as kuungá'.»

1 Timoteo 5:14

Án ngi slaá' /ameenár kwaeeli ar ninakw a tsiní barka malé duxuút, nee na/ii ngiwa laqwal, nee iwa maráy wa daawimit, as wakuuseerén pa/aangw munguwa sleér atén tiwa muruú tlákw babeer.

Tito 2:5

nee tawa /ameenár danqamisuú koom, nee ar hhohho'. Slám ka intsaahhatimisá' tawa /ameenár gadiyér tleehh dír maray'ín wa aleeró, tawa /ameenár hho', nee hhawaateeín ngiwa ilaiwawa/iya', axweesantá Mungú makawa biibisín.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 SAMUELI 2:24

Aasla'áy daaqay'eé', kangwsíng ni axmiís dír múk AAKOÓ MUNGÚ wa ale daanduuhunge i tsuuiiká.