NEHEMIA 5:7 - Biblía Axweesantá Hhohho' ar Mungú 2004

⁷ Adór ni /iis ngay leeleéhh. Tiri awaán nee mukdá' urén nee geeraharuuseero, ngiri báw, «Hhaeehúng iga /aytiindé'.» Aníng muu nguri burumbuúr as kahhó' nee inooín tiwa axweesani tlaxuna'.

NEHEMIA 5:7 Iomraidhean Croise

WARA'AMI 109:11

Heé gu gár wá iinuús umuú gár i kona ngi hayoohi, muruudá' sleémeero aa hamér wa xiínts, dahaaye ngur tleer!

WARA'AMI 15:1

AAKOÓ MUNGÚ, heé hotángw dír do'ók gu aleesláw a heemá? Nee hotángw gawaá tloomarók tidá' hhoohhoo' heé gu aleesláw a heemá?

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

WARA'AMI 27:8

Kuúng ana ó', «Aníng leelehhiitaré'.» Aníng niri oó', «AÁKO, án kuúng u leeleéhh.»

WARA'AMI 4:4

Kuungá' bara buhhabuhhé', ti harmagahhe' tlakweema mi tleehhara', tí aldakuutaak qoomár bar aga xaslté' gawaá qateenoohúngí ale,

WARA'AMI 94:16

Xáy, heé bartaeé' ngi áw a heemá qoomár múk tlákw bura siaán? A heemá heé gayuueé' dír múk tlakweemaá tlehhiita?

TI'INAANGW 22:24

Aníng niri daa/atúw buhhtaawo, nuri tsuú/ ar paánga, nee tlaawayhúng tari kwaeeli, na/iihúng kiri panáy geexeerá'.

TI'INAANGW 22:25

«Narkutmo bura kirkitís mu iinuusaar, laqaá aldaafír peésaadá' ma iinuusaar.

AXWEESANOÓ SAGALOOA 27:5

A tsiní heé gurbu'uungós ngwa gwa/tis, ta heé sla'aarirós gaa lu/i.

AXWEESANOÓ SAGALOOA 28:4

Mukdá' dabér siasií', múk tlákw gun xirfayeemiis, Ala kudá' dabér uhimá' nee múk tlákw tin ayá'.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

TLAHHOÓ LAÁWI 25:36

Mu bu'utí sla'aar tam oo daa'awi gaalá. Ala Munguúwók na ilaiwawa/eek, nee hhiyaawók i hooti dinkwa nee kuúng.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Galatia 2:11

Kefa niwa hardáh Antiokiár i alé, aníng nguri iigahhamiít dír geeraá múk wa ale, asma tlehhimi'iiwós nguwa sakwasleemuutiyé'.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.