NEHEMIA 5:5 - Biblía Axweesantá Hhohho' ar Mungú 2004

⁵ Ala slaqoorén aqo adór slaqwaá hhaeerén, na/iirén aqo adór na/ii'ín. Laatí daaqayrén nee dasuurene ina dahasaán baraá lawaali'iima, dasuurén bahh'ale i baraá lawaali'iima. Ala adoorí ba/to a aleeslawanaaká, asma múk yaariír i qamuurén kón nee sabiíburene.»

NEHEMIA 5:5 Iomraidhean Croise

IIMU/UUNGW 29:14

Labani iri oó', «Ar ló', kuúng a daa'awmooeé' oo nayshu.» Yakobo slahhángw wake iri doó Labaní wa hoót.

IIMU/UUNGW 37:27

Gimsé', un weerisaán dír múk Ishmaeli, dabaarén miwa tlakweemisaán, bareemák inós a hhiyaarén. Inós nee atén tseere a wak.» Hhaeewós nay ya/ané'.

2 WAAWITÁ 4:1

Naagáy harér heé wák baraá tla/ángw eeharuusér aaruuseero ina daqeér dír Elisha guri beér, «Sagadiyusmoowók hhawaatuueé' aa gwaá', nee kuúng a xú' sagadiyusmoowók i AAKOÓ MUNGÚ ilaiwa/a/aat. Ala heeko inós gu iinuús naa hardáh na/iieé' awa tsár ngiwa ar tlay, ngiwa lawaaleerós tleehhi.»

AXWEESANOÓ SAGALOOA 22:7

Daqaarmo i waawuti'ín daanduú narkutmoó wa alé. Nee heé muruú kirkiít a lawaalmoó hee kirkitiimís.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

Matayo 18:25

Heewí gár daqaarmoowós ngur bui iwa kahh, daqaarmo iri oó', ‹Inós weerisaak, nee hareerose nee na/iiwo nee umuúqo gár i kona, as iinaadá' kawa bui.›