NEHEMIA 5:15 - Biblía Axweesantá Hhohho' ar Mungú 2004

¹⁵ Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

NEHEMIA 5:15 Iomraidhean Croise

IIMU/UUNGW 20:11

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

NEHEMIA 5:16

Aníng ana ló'wa ilakaahareés baraá gadiyér tlehhmuú koo/irí /abeesaro, tam qamu iga tlaxwiiká. Sagadiyuuser'eé' sleémeero sleeme gadiyeérí ngina tleehhiyé' ar ilakaahara.

NEHEMIA 5:9

Aluuwo ngiri báw, «Adoosíng ta tlehhita' i qoondaaká, xáy i harindaakáhe kuungá' Munguúrén kuwa ilaiwa/a' as xoordaá hatlá' kudaá wakuuseerén kiwa ilaa/i mitiwa niqimís.

YOBU 31:23

Asma aníng a baraá de'ér ur as hhitár amór Mungú daahh, nee aníng a qiitlaaká niwa dír Munguú Aleesleemusmór qoom.

WARA'AMI 112:1

AAKOÓ MUNGÚ xirfayeemisaak. Heé amohhoó' a kudá' AAKOÓ MUNGÚ gu ilaiwawaá/, kudá' hara'ayaarós ga sa qwalalaá/.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 29:12

Geeraharusmo bar i lameemaá axamiis Alee/isuuseerós sleémeero tlakweema gin i xupú'.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

YEREMIA 32:9

Naagáy, qaymoodá' ngiri tlaáxw dír garmoó maamáy'eé' wa alé, shekeéli mibaá nee faanqw ar muqslár peésa ngiri buú'.

WA/AA/I 5:8

Lawaale an múk ti sawaawuti'ii'iím, nee gawaá dabaaine heé ti ba/amís i kaahh.

Matayo 5:47

Slám barnaxes kuungá' hhaeehúng kilooín in laaw'eemisá', gár kuungá' taa ak tlehhé' a milá ta múk hatlae? Tam múk xoordaá hatlá' sleeme adoosíng ga tlehhaahhítiíke?

2 korinto 11:9

Qoomár aníng niwa amorhúng i dirii', tam gaa ngiwa slaá', aníng heé naa daawitimís dirhunge i kaahh. Asma hhaeedá' Makedoniár dahhá', muruudá'sleémeero aníng naa slaá' nguna huwiyé'. Aníng ana ló'wa ilakaahareés as kuungá' munduwa diitsakwár ar áw. Nee slám aníng an adoodár kumaamiít.

2 korinto 12:13

Gár dirhunge aníng naa /itiím i káhh, baraá tidá' naa haniís dír múk kríshaanáy oo yaamaá hatlae. Ala aqo har tí kilós, kuungá' naa huwár ar awiiká. Án gurtlawaaré' as nuwa sadakuús adoorír alé.

1 SAMUELI 8:15

Inós balangwhúng guri koódír wa tlaaq, nee sabiíbuuhunge sleeme, baraá qwaree/amaá mibaango oo wák gun tsaat, guri haniis dír geraharuuseerós nee sagadiyuuseerós.