NEHEMIA 5:13 - Biblía Axweesantá Hhohho' ar Mungú 2004

¹³ Tlabaaeé' ngiri kuukuú', niri oó', «Umuúqo heé adoosíng ga tleehhaaká ku kukuui nee Mungú, ngu duuxi baraá do'ose nee baraá gadiyeérose. Ku kukuui nee i gaa wasleesi.» Boo/aydá' sleémeero tari oó', «Amin», Mungú kuri xirfayeés. Muu adoodá' ngira al'axweesiyé' ngiri tleehhiyé'.

NEHEMIA 5:13 Iomraidhean Croise

2 WAAWITÁ 23:3

Waawutmo iri sihhiít dír bihhaá uhmo, al'axweesani gari qaás dír AAKOÓ MUNGÚ, ar AAKOÓ MUNGÚ nguwa eehari, nee hara'ayaarós ngiwa oohi, nee lamabu'uungós nee kaahirose ar muunaáwós sleémeero nee ar qeeruuwós sleémeero. /Ayma'aá taa gooín baraá kitaábuuduú alqado ngiwa eehari. Muu sleémeero al'axweesantadá' gari ya/án.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

NEHEMIA 8:6

Esra AAKOÓ MUNGÚ guri xirfayeés, Munguúdá' Úr. Muu sleémeero iri ilaaóh tawa kaahi, «Amin, Amin.» Dabaaín ngaa gáwtí tleesiyé', naagáy sager'ín ngay xupu'uusiyé', AAKOÓ MUNGÚ ngway sluufisiyé', giti ngiri yaamúr oohiyé'.

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

AXWEESANOÓ SAGALOOA 28:4

Mukdá' dabér siasií', múk tlákw gun xirfayeemiis, Ala kudá' dabér uhimá' nee múk tlákw tin ayá'.

DAHARUSMO 5:5

A tsiní al'axweesani baraá qaská ta al'axweesantá taa qás kawa meer boo/esaro.

FAARO 5:22

Ma'aykaá lo'o guruuwók ngu xir'itisiye'.› «/Ameenidá' i o', ‹Amin, Amin.›

Matayo 10:14

Nee hee barnaxes nu dahi'iimisiiká, laqaá axweesanayhúng gu axamiisiiká, qoomár bar tlatleerá' dír do'dae, laqaá baraá gixsaadae, teerír gawaá ya'aahúng alií kuukuuaak.

Tlehhema'aá ya/Abuuse 13:51

Paulo nee Barnaba teerír ya'aaín kari kuukuú', tari tláy ay Ikonio.

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.