NEHEMIA 4:9 - Biblía Axweesantá Hhohho' ar Mungú 2004

⁹ Ala atén Munguúrén una firiimaán, nee slamí xuumuuse ana qaasaán xweera nee tlaatla/aango as inooín kiwa baqi.

NEHEMIA 4:9 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

NEHEMIA 4:10

Múk Yuda tay qununuú/ tawa kaahi, «/Uuruú múk gadiyuús aa faák, nee xwaansloó loohisór slaá' ku yaariír. Daxta i ya/andaaká tawa kumitaan nee tlehhmuú koo/i.»

NEHEMIA 4:11

Slamí wakuuserén ina ó', «Ngi xuiaaká sleeme ngi ariiaaká, ay dír nay hardahaan tla/angw'ín i ale, ngiri tsu/aán, gadiyeésíng ngay xasltisán.»

YOBU 5:12

Kángw múk tlákw i qoomeemesi inós gu hhitín, as kahhó' baraá tlehhmi'ii'ine gár hhoo' makawa baloó sláy.

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

AXWEESANOÓ SAGALOOA 22:12

AAKOÓ MUNGÚ intsaahhatisár xu'utimis gan sagesihhimiit, Ala axweesantá al/aymusmo gan amoosíng i kwaahh.

Matayo 26:41

Dalaaé', firiiriimé', mutunduwa ar baá/ iiara'aduuwo. Muuná ga mak slaa' ala slaqwa kan daqatlaakw.»

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.