NEHEMIA 4:2 - Biblía Axweesantá Hhohho' ar Mungú 2004

² dír geeraá mulqeerós nee daqtá slaqwaruuse ar Samaria, iwa kaahi, «Múk Yahudi kwí daqatlakwén, mi /imiis? Xáy, gár i slaiya' a gixsarí ngi /abeemár tleehhiía? Xáy, ilahhooár muruú ta tsu/i ngi haniisía? Xáy gadiyeérí ngi hhe'eesiía looár wake? Xáy, tlaa/aá taa buruumbuúr baraá xwaansláy ale, nee awa taa daá/ ngiqo aleesláy'a ngiwa ar tleehhitiya'?»

NEHEMIA 4:2 Iomraidhean Croise

ESRA 4:4

Aluuwo múk yaamuudá', múk Yuda guna daba' tlaáq, nee kina dae tlaáq tlehhmuú doó Munguhe.

NEHEMIA 12:27

Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

NEHEMIA 4:10

Múk Yuda tay qununuú/ tawa kaahi, «/Uuruú múk gadiyuús aa faák, nee xwaansloó loohisór slaá' ku yaariír. Daxta i ya/andaaká tawa kumitaan nee tlehhmuú koo/i.»

NEHEMIA 6:15

Naagáy bál slahhángw Eluli tawa mibeeri tsár nee kooán koo/idá' iri hhooeér. Deelo kaa hhe'eesaán mibeeri kooán nee tsár.

WARA'AMI 83:4

I kaahiya', «Qwalaas, xooror'ín a hhaamisaán, masók umkuú Israeli ku inslayká!»

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 4:10

Asma heé gadiyér ninakw gaa waaqaa' gu qwal/ás, inooín Serubabeli ku ar iwa Doó Munguú tleehhi, tari qwalaa/. Tsaa'asoorí faanqw a ilaá AAKOÓ MUNGÚ awa xumiisá' umuú diiro baraá yaamu sleémeero.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.