NEHEMIA 4:17 - Biblía Axweesantá Hhohho' ar Mungú 2004

¹⁷ kudá' koo/ír tlehhiitá', tam kudá' xooslaá tlehhma ngi loohisá', aqo nina kumiitiyé' nee gadiyeé, dákw wake i xooslaá loohiis, dawa kuqae i xooslarós ar slaqwarár kón.

NEHEMIA 4:17 Iomraidhean Croise

NEHEMIA 4:13

Naagáy, muu ngway qaás dír baraay didá' pa/ángw koom alaá koo/i. Muu una qoomeemeés ar gur'ér maray'ín ta paangadaá kón nee lawluwo nee ga/alduuwo.

NEHEMIA 4:16

Iimír qoomaadá' wa tleemu ay geerií kumiita, tlaqtá sagadiyuuser'eé' tana kumiít nee gadiyér tlehhma, tlaqtá hatlá' in xuún, tawa lawlaá kon nee gaambu nee ga/aldu nee tlabaá ta da/eewór baqi. Geeraharuuseerén ta bihhaá múk Yuda,

NEHEMIA 4:18

Umuúqo heé doó tlehhiita i paángarós kón, gaa tseek gawaá kutl/amo amooqae i gadiyuus. Ala heé tarumbeéta ufaahha ku bihhaeéní tseéw.

WARA'AMI 149:6

Xirfuú úr oo Mungú masók i baraá afer'ín waa ti'imiit. Nee paángár xaraasl ar afe tsár masók i baraá dabaaín.

DAA'AANGW 3:8

Umuú heewo paángarós gaa óh, umuú heewo slaqwara ga xuu', umuuú heewo paángarós i baraá afeetloowós. Taa amohhe'eés nee wakusmo tiwa tlaampa'asiya' xweeraawo.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

Yoeli 2:8

Tam oo kuqá' gu tliw/iím i kaahh, ala umuúqo ingigimoowo geera gini kumiit baraá loohirose. Nin haratleér ar /uuru ay amór xooslár inós kar il/an. Ala inós ka ilaa/iiká, tam oo loohirós ga mamáw i kaahh.

1 Korinto 16:13

Kuungá' dalaaé', sihhitano hhe'eesé' baraá haratlintaaorhunge. Kuungá' masók a gurkwa/á', nee masók a múk /uuruú koóm.

1 Korinto 16:9

Asma pa/ángw hhoó' kungwa haniís oo gadiyér ur ngiwa ló'wa tleehh, tam múk yaariír oo aníng i baqamiím i deero.

1 Korinto 9:12

Múk hatlá' barnaxes i harín kuungá' kuwa amohhe'eemisa', ala atén a ak hariimánaáke ta múk hatlae? Ala atén hariímarí aga ar gadiyuusaniiká. Atén ana qiqtliimaán gawaá umuúqo gaaro as Ya/abtór hho' ar Kristo mawa dukuutsmoó i qaasaán.

2 korinto 6:7

Nee slám tin laqaqaamaán tawa sagadiyuusér Mungú ar looeema kiwa alki/iitaan, nee ar /uuruú Mungú. Hotángw ganaá' a xooslaarén ar slaqwara ar tir baqamiimaan dákw doó /iyáy nee oo basayhe.

Filipi 1:28

Wakuuserhúng ma da'ayuumitaara' baraá umuúqo gaaro. Kuungá' bar pihh'uumár koondá', gaarí a laya dir'ine ar inooín iwa qwaariya'. Ala dirhunge a laya adór kuungá' tar ba/aandá'. Nee layaarí amór i dahh a amór Mungú inósuú kilá'.

2 Timoteo 2:3

Qiqtliím baraá slahh'amuú wa aleeró dinkwa nee aníng, tawa adór askaarmoó hhoó' oo Kristo Yesu.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.