NEHEMIA 4:13 - Biblía Axweesantá Hhohho' ar Mungú 2004

¹³ Naagáy, muu ngway qaás dír baraay didá' pa/ángw koom alaá koo/i. Muu una qoomeemeés ar gur'ér maray'ín ta paangadaá kón nee lawluwo nee ga/alduuwo.

NEHEMIA 4:13 Iomraidhean Croise

NEHEMIA 4:12

Múk Yahudi kuduú baraá tla/ángw wakuuseerén wa hoót qoomár axweesanay'ín kwí kuwa axamiís ki/imaá yaariire nina hardarahiyé' tawa kaahi, «Nin hardihiyá' umuúqo dír i hootiia tiwa i haratlaya'.»

NEHEMIA 6:3

Aníng ya/abuuse ana amor'ín i ya/aáw ana oó', «Gadiyeérí ni tleehh ka ur tam daqeemuú amorhúng ngu aleeslawaaká, hám gár gadiyeé ngis maw nay /eét amorhúng a milá?»

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.