NEHEMIA 3:15 - Biblía Axweesantá Hhohho' ar Mungú 2004

¹⁵ Nee Afkuduú Kutli kuna /abeés tlehhmuuwo nee Shalumu garmoó Kolhose, heé úr oo yaamaá Mispa, gari tuuntuúk afkudá' gway sihhtís nee muqslaadá' kway tsegaagiti nee tidá' kur tsegaagiti sleeme. Didár Tlahhsár Shelaro koo/i gari tleéhh ar bihhaá asalmoó waawutmo ay awnángw amór gixsár Daudi.

NEHEMIA 3:15 Iomraidhean Croise

2 SAMUELI 5:9

Daudi ina hoót baraá gixsarí taa harweér koo/ír gawít, gari umií tsaát, gari báy, «Gixsár Daudi.» Daudi gixsadá' gari harweér tleehhamooro, iimír Milór waá tleemu ay baraá guruú gixsaa.

2 WAAWITÁ 25:4

Tam mukduú Babuloni gixsa ngaa harweeri'i badu sleémeero, slaqwaruusér Yuda dirka baraá koo/iro kari feé/, slaqwaruuse sleémeero tari ta'aaín xweeraawo ar loohír afkudá', dír koo/i tiwa dók dír iisaapoó asalmoó waawutmo. Waawutmo iri tláy ar loohír Araba.

2 QOM'I 32:30

Waawutmo Hesekia yaaér Gihoni gana tseék, mapari gari foól ar ma'aay ngir baráy wa/asi ay gixsár Daudi. Hesekia umuú gár aa tleehhi gana aleesláy.

NEHEMIA 12:37

Dír Afkuduú Tsiinqaro nina gáwtí tsa/ané' ay amór gixsár Daudi, tana waaraáhh ar dír doó Daudi, alaá koo/i kana xuú' ay Afkuduú Ma'aay bihhaá da/aáw awa gixsa.

NEHEMIA 2:14

Aluuwo nay kumiít ay Afkuduú Kutli nee Tlahhsadár Waawutmo, ala daqway'eé' kudá' naa i tsa/ám dír ir waaraahhi gaa slayká.

NEHEMIA 2:17

Naagáy ngiri báw, «Hamí slahh'amurén u ga/eerá'aáke adór Yerusalemu kara sluhhúy, nee afeerós kara qororo'oós ar asla. Gimsé', qwalaas koo/ír Yerusalemu a malé tleehhaán as mitiwa malé mureekeés.»

NEHEMIA 3:12

Shalumu garmoó Haloheshi, kudá' úr oo tlaqtá Yerusalemu ga ga/áw, nee dasuuwose, dír aluudá' ngina /abeesiyé' tlehhmuuwo.

NEHEMIA 3:14

Afkuduú Xwaansláy Malkiya garmoó Rekabu, heé úr oo yaamaá Bet-hakeremu, guna /abeés tlehhmuuwo afeerós gari qaás, muqslaadá' kway tsegaagiti gari qaás nee tidá' kur tsegaagiti sleeme.

NEHEMIA 3:19

Eseri garmoó Yeshua, heé úr oo yaamaá Mispa, dír aluudá' gaa hat gana /abeés tlehhmuuwo, tidá' nee do'duú xooslár slaqwara ki baabatsi ti ga/aawá', ay didá' koo/i niwa warqeér.

NEHEMIA 3:7

Múk aluudá' gaa haar tlehhmuuwo a Melatia heé Gibeonír daáhh, nee Yadoni heé Meronotír daáhh dinkwa nee múk gixsár Gibeoni nee oo Misparo, mukwí kuna geerahaár nee ga/aawusmoó yaamaá yaaér Eufratero gayuú /uwa.

NEHEMIA 3:9

Dír aluudá' kana /abeés tlehhmuuwo nee Refaya garmoó Huri, kudá' úr oo tlaqtá yaamaá Yerusalemu ga ga/áw.

DAHARUSMO 2:6

Tlahhesaá ma'aay ina tleéhh as xaaiidá' naa dahaás ngiwa eemiis.

ISAYA 8:6

«Asma mukwí ma'aá Shiloa kudá' tseegisárár wa/amiimá' ngina si'iyé', inooín Resini nee garmoó Remalia ngina saqwala/iyé',

YEREMIA 40:6

Aluuwo Yeremia iri tláy amór Gedalia, garmoó Ahikamu baraá Mispa, inós nee mukdá' aa baraadií meet tari alhoót.

Luka 13:4

Laqaá mukdá' mibaá nee dakaát, kudá' doó gáwtí tleér aa i huú', giri tsuú/, dír Siloamuwo, kuungá' ka xua', mukdá' an ak múk tlákwe ta kuduú hatlá' sleémeero oo Yerusalemúrí diriia?

Yohana 9:7

Guri báy, «Tláw, hamtlo aweek baraá tlahhasár Siloamu.» (Gídaabárós, «Oo taa ya/aáw»). Iri tláy, iri hamtlór áy. Niwa kií/ naxés i xumiis.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

HAR'OHUUSE 20:3

Tlahhoó Benyamini kaangwí guri axaás adór xoorór Israeli ira burumburít baraá Mispa. Xoorór Israeli iri ó', «Áx qwalaas, iiaarén qawaare' adór tlakweemaaká' nira tleehharumiitiyé' a adoomá?»