NEHEMIA 3:1 - Biblía Axweesantá Hhohho' ar Mungú 2004

¹ Aluuwo kaahamusmoó úr oo Mungú kudá' ta bay Eliashibu dinkwa nee hhaeewós kudaá kaahamuuse, Afkuduú Bee/aangw nguri tleehhiyé', ngway tsuuqiyé' iimír /Aampaadár Tsiiru wá tleemu ay /Aampaadár Hananeli.

NEHEMIA 3:1 Iomraidhean Croise

NEHEMIA 12:10

Yeshua Yoyakimu guna laqwaál, Yoyakimu Eliashibu guna laqwaál, Eliashibu Yoyada guna laqwaál.

NEHEMIA 12:30

Kaahamuusér Mungú nee múk tlahhoó Laáwi tina hhoohhooeesiyé' nee muko, nee afér do' nee koo/iro.

NEHEMIA 12:39

Tawa didá' wa tlawaán ana waarahhaán ar Afkuduú Efraimu nee Afkuduú Yeshana ay amór Afkuduú Siyó tay kumitaán ay /Ampadár Hananeli ay amór /Ampadár Tsiiru ay Afkuduú Doó Bee/aangw. Hi'itanoorén kay alhhe'eesaán dír Afkú Doó Tseegmo.

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

NEHEMIA 13:4

Qoomár bál deeloodá' ur niwa xeeriiká kaahamusmo Eliashibu kudá' taa tsawaár as kutuwoó doó Munguúrén nguwa xun, inós nee Tobia ti oohiyá'.

NEHEMIA 3:20

Baruku garmoó Sabai tlehhma guna iimu/ún didá' koo/i niwa warqeér ay afkú doó Eliashibu, kaahamusmoó úr.

NEHEMIA 3:21

Meremoti garmoó Uria, garmoó Hakosi, didár iimír afkú doó Eliashibu, kaahamusmoó úr, ay alhhe'eesoó do'dá' gana /abeés tlehhmuuwo.

NEHEMIA 3:32

Nee tla/ángw kutuwidár gawa tidár bihhií dirii' nee Afkuduú Bee/aangw koo/idá' kana tleéhh nee kareeruú sahaábu nee halanuuse.

NEHEMIA 6:1

Sanbalati nee Tobia nee Geshemu, heé Ma/arabu nee wakuuseerén tidár hatlá' kawa axaás adór koo/i ngira tleéhh nee dír foox i káhh baraawose (tam qoomaadae afér do' aga sihhtisiikahe).

NEHEMIA 7:1

Qoomár koo/i kawa tleéhh, nee afér do' ngiwa qaás, nee xuumuusér afér doó Mungú ngiwa sláw nee daauuseero nee múk tlahhoó Laáwiwo,

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

WARA'AMI 48:12

Hi'iimité', gixsár Siyoni harweditaak, gixsa harweera hhe'eesaak, tsitseenaá koo/irós fadiitaak.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

YEREMIA 31:38

AAKOÓ MUNGÚ i kaahi, «Deelo i hardát ar gixsár Yerusalemu kawa malé /abeesi tleehharo as AAKOÓ MUNGÚ, iimír /Aampár Hananeli ay dír Afkuduú dír Koo/i niwa warqeér.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

Yohana 5:2

Nee amoodár Yerusalemuro dír afkuko ta babay afkú Bee/aangw, tlahhsár ma'aay i deer. Tsifrír múk Ebraniaro a Betesda. Nee dír tlahhsaadae isleeraá kooán i dayá'.

DABE 20:5

«Aluuwo geeraharuuse slaqwaruuse ngi beer, ‹Diirihe hee i deéro oo do'ós gwaa tleehh, ala gwa aldafinká? Heé adoorí i amór do'ós i watli, miwa baraá slaqwarári gwaá', nee heé hatlá' do'ós guri aldafín.