NEHEMIA 2:8 - Biblía Axweesantá Hhohho' ar Mungú 2004

⁸ Sleeme barwito'ór Asafu kingi gooin, kudá' gartá waawutmo ga amohhe'eemiís, as xaai ngiwa haniisi awa nahhtá afér koo/ír gawit ar Doó Mungú, nee ar afér koo/ír gixsa, nee ar afér dooeé' kudá' ni hotaá aw.» Waawutmo muruudá' aníng ni fiririim nguri haniís, asma Munguúeé' kudá' hhoó' iwa dinkwa nee aníng.

NEHEMIA 2:8 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

ESRA 5:5

Ala iltá Mungú i amór bariisér múk Yahudír ga/eér as ngiwa xun, inooín gadiyeé ngaa may'iiká ay qoomár kaangwí iwa hardáh dír Dario, nee kaangwí kunguri ki/ís ar barwiito'o.

ESRA 6:22

Deelór ur ar mikaátér taa sluuftisiiká kari tleéhh ar qwala/ ar afiqoomár deelo faanqw, asma AAKOÓ MUNGÚ inooín gina qwal/atís nee muunuú waawutmoó Ashuru guri warqeés as múk Israeli nguwa slai, inooín giri ale/iís as ngiwa /uurií qaasi baraá gadiyér tlehhmuú doó Munguhe, Munguú Israeli.

ESRA 6:8

Slám an malé kah, kuungá' muksíng ale/iisaak baraá gadiyeérihe. Bu'utuuín sleémeero hanisaak, mu tligisara' baraá daqaari'iimár waawutmo tiwa duxe' nee baraá ohmeedá' tinda burumburín dír ayeemoosá gayuú /uwa yaaér Eufratero.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

NEHEMIA 7:2

aníng hhiyaeé' Hanani nguri ga/aawusmoó Yerusalemúr wa qaás nee Hanania tiwa alee/iimisiya', asma inós ku ló'wa inkihhím, nee a heé Munguú ilaiwawaá/ ta múk hatlae.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

DAHARUSMO 2:5

Asalmo una doósl, xaa'aá mamaá dimbadiimbé ina dahaás.

DAHARUSMO 2:6

Tlahhesaá ma'aay ina tleéhh as xaaiidá' naa dahaás ngiwa eemiis.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

DANIELI 1:9

Naagáy ala Mungú Danieli guri tsuúq, sagesihhtusmoodá' úr oo múk taa karmuumúy iri ya/án.

Tlehhema'aá ya/Abuuse 26:22

Ala án Mungú ina alee/iís ay laarí. An gár nis sihhimiit diirí wa aleeró, múk urén nee oo ninakwe nguwa i lamabu'uum. Nee aníng /aymuú hatlá' oo ni oo' i kaahh, aqo har kudá' aaruuse nee Mosewo taa káh as iwa tleehharuuti.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.