NEHEMIA 2:3 - Biblía Axweesantá Hhohho' ar Mungú 2004

³ Waawutmo nguri báw, «Waawutámo, sagók fur'a ngu laaleer, aníng mahár gurhamutaaká, bar gixsár /aantaá baabi'iieé' i dirii'iya' in iwiiwít ar deewa'ame, nee afeerós kaa hhaamiís ar asla?»

NEHEMIA 2:3 Iomraidhean Croise

1 WAAWITÁ 1:31

Aluuwo Bat-sheba iri xupú', giti gari yaamúr ót, waawutmo guri i tumbarara'át, iri ó', «Aakooeé' waawutmo Daudi i hotaatin ay alhhe'eesay wasle.»

2 WAAWITÁ 25:8

Bál slahhángw kooán tawa faanqw kurkú mibaá nee gwaleél oo waawuti'iimár Nebukadnesa waawutmoó Babuloni Nebusaradani geeraharusmoó úr oo slaqwaruusér waawutmo, ina dáh baraá yaamaá Yerusalemu.

2 QOM'I 21:20

Yehoramu waawuti'iima ngiwa iimu/ún kureewós a mibeeri tám nee tsár, inós ina baraá Yerusalemúr wa waawuti'ín kureeri dakaát. Qoomár iwa gwaá', heé gwa ale/aa/ i kaahh. Inós kuri foól baraá gixsár Daudi, ala baraá /aantaa waawitaheeká.

2 QOM'I 28:27

Waawutmo Ahasi iri gwaá', kway foól baraá gixsár Yerusalemu, ala kwa fooliiká baraá /antaá waawituú Israeli. Hesekia garmaawós iri waawuti'ín kitaangós wa aleeró.

2 QOM'I 32:33

Waawutmo Hesekia iri gwaá', kuri foól baraá /antaá bihhaá gawa awa waawitá. Muu sleémeero oo Yuda nee oo Yerusalemu kuri ilaiwawaá/ dír gwa'ararose. Garmaawós Manase iri waawuti'ín kitaangós wa ale.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

NEHEMIA 1:3

Tina báy, «Múk aa /uy loohatisaro, kudá' aa baraá yaamuudá' i meet, i baraá slahh'amuú yaariír nee mureekesaay. Slám koo/idár Yerusalemu kaa feé/, nee afeerós kaa daá/ ar asla.»

NEHEMIA 2:13

Xweeraawo ana tsee/áy ti'iít ar Afkuduú Xatsa ar loohír amór Hhalángw Dayshmoó kaw nee ar Afkuduú Ufuú Xwaansláy. Koo/ír Yerusalemu ana i qaytsiít, tidaádá' aa fee/it, nee afeerós kaa qororo'oós ar asla.

ESTA 8:6

Asma adór nir qiitl slahh'amuú amór muk'eé' káw nguwa ga/aw? Adór qitla ngur aleeslaw qwanoó mar'eefooeé' ngur ga/aw?»

WARA'AMI 102:14

Sagadiyuuseerók Siyoni ga slá', Inós handá' tam tangwaá taworo. Gur'er'ín gaa tlés, tam aa ló' wa hhitiruuti.

WARA'AMI 102:15

Xoordu sleémeero AAKOÓ MUNGÚ ngu da'ayutiyá', Waawitá sleémeero baraá yaamuwo xirfuuwók ngu da'ayutiyá'.

WARA'AMI 137:6

Afkwe'eé' i tawaraaki, án kiíng bira gunqareés, bar Yerusalemu aga uráy haniisiiká, ta ak qwal/uueé' kudá' ure.

WARA'AMI 38:7

Slaqwtaeé' i duurú' adór asla. Slahh'amaayerí iga hhaasuúr.

YEREMIA 52:12

Bál slahhángw kooán tawa mibaangw oo kurkú mibaá nee gwaleél iimír Nebukadnesa, waawutmoó Babuloni, waawuti'iima ngiwa iimu/ún, Nebusaradani geeraharusmoó úr oo xuumuuse, kudá' waawutmoó Babuloni sagadiyuús, ina dáh baraá gixsár Yerusalemu.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

DANIELI 2:4

Naagáy múk Kaldayo tari ilawaáts amór waawutmo ar tsifrír Aramu tari oó', «Waawútámo sagók fur'a ngu laaleer. Tlataawók dirén i ooang, atén gadaádá' tara tlatitiín ngi ooaán.»

DANIELI 3:9

Waawutmo Nebukadnesa kuri báy, «Aá waawutámo, kuúng sagók fur'a ngu laaleer,

DANIELI 5:10

Tsimaahhír waawutmo nee bariiseerós aayór waawutmo ngiri kwáhh iri dát baraá matla/angwdá' tawa xufiiti, iri ó', «Waawutámo, sagók fur'a ngu laaleer, adoosíng i gana'ká inslawaywók uwa daanda feehhisi nee kalaywók iwa warqay.

DANIELI 6:21

Danieli waawutmo guri báy, «Waawutámo, kuúng sakók fur'a ngu laaleer!

DANIELI 6:6

Aluuwo geeraharuusér uren nee ga/awuuse tari kaahi slayé', tari dír waawutmoó káy, kuri báy, «Aá waawutámo Darío, sagók fur'a ngu laaleer.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.