NEHEMIA 2:20 - Biblía Axweesantá Hhohho' ar Mungú 2004

²⁰ Naagáy ngiri mu/aywaáts ngiri báw, «Munguú doori atén ti alee/iis baraá gadiyeérihe, nee ateékaá sagadiyuuseerós an tlawaán tlehhma un iimu/uumaán. Ala kuungá' gár tundu loó' i káhh, laqaá harímarhúng laqaá gár ta inslasleera' i káhh baraá Yerusalemuro.»

NEHEMIA 2:20 Iomraidhean Croise

2 QOM'I 26:5

Inós AAKOÓ MUNGÚ guna leeleehhiít qoomaadá' Sekaria iwa slafi, kudá' inós gwa intsaahhatis Mungú nguwa ilaiwawa/i. Adoodá' AAKOÓ MUNGÚ ngura leeleéhh, an adoodá' ngura aleesleemú i haniís.

ESRA 4:3

Ala Serubabeli nee Yeshua nee kudaá hatlá' uren awa tlahh'aá Israeli ngiri bayé', «Kuungá' gár nu huuw i káhh baraá tlehhmuú doó Munguúrene, ala atén kiloorén AAKOÓ MUNGÚ, Munguú Israeli, un dó' i tleehhaán adoodá' waawutmo Koreshi oo Persia tira ádbáy.»

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 2:4

Aluuwo waawutmo Artashasta iri báy, «Gár kuúng ta aníng i firór wa sla' a milá?» Aníng Munguú doori nguri firiím.

ESTA 4:11

«Lawaale sleémeero ar waawutmo gan xú', tam múk ayeemaá waawutmo, adór umuúqo heewo, bar hhawaata laqaá /ameeni, oo aa amór waawutmoó kay barkwa ateetiiká dakko i deer, oo káh heé adoorí a gaasa, aqo har kudá' waawutmo aa hhartós ar sahaábúr looloqoós, tidár waawuti'iima, in hoot. Tam án taa ateetiiká niwa dah iimidá' ay laarí slahhaangw aa faák.»

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 122:6

Yerusalemu aleefiririmaak i waydúr hot. «Mukdá' sleémeero kiíng i slaá' ta hooti ar amohhooa.

WARA'AMI 20:5

A qwalaala/aán as daanduú arba/atír amoorók daahh. Nee tari baraa/aán umuuwós kuwa xirfayeemisaan. AAKOÓ MUNGÚ tidá' sleémeero kuúng ta firiin ngi haniisi.

WARA'AMI 35:27

Kudá' waangexwaarar'eé' ngi sa qwalaala/á', i baraa/iye' nee i qwalaala/iye', nee i ooiye', «AAKO i xirfuuti, asma iwa qwalaala/i as amohhooár sagadiyusmoowós!»

WARA'AMI 51:18

Siyoni hhooeemií tleehheek ar gurtleemuuwók, koo/ír Yerusalemu tleehheek.

TI'INAANGW 28:29

«Naagáy qoomár Aroni bir dah dír hhoohhoó' i aleeró, tlakwayduú da/eewo ngun dahaas, kudá' sla'aarír Mungú kar tsaahhi oo taa umér tlahh'aá xoorór Israelirí gooín, as kahhó' tawa inslaslaangw dír geeraá AAKOÓ MUNGUHE daqisleém.

DAHARUSMO 7:18

Muruuwí tsaraawo ooheek nee mu baloó geexawaar. Asma heé Mungú gu ilaiwawaá/ ku adoorír gawdees.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 24:7

Nee umuúqo hhaywo ku mooyángw tsuú' i qás as tiwa alkona' nee mikaátedá' nee tawa ilahhooár da/a ar inslaslaangw dír AAKOÓ MUNGUHE.

SEKARIA 6:14

Nee slam'iidá' kiri baats baraá doó AAKOÓ MUNGÚ, as tawa inslaslángw Heldai nee Tobia nee Yedaya nee Yosia garmoó Sefania.›

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Tlehhema'aá ya/Abuuse 8:21

Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.