NEHEMIA 13:23 - Biblía Axweesantá Hhohho' ar Mungú 2004

²³ Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

NEHEMIA 13:23 Iomraidhean Croise

1 WAAWITÁ 11:1

Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

ESRA 10:10

Naagáy, kaahamusmo Esra iri sihhiít, giri báy, «Aga dakusé', /ameenár xoordaá hatlá' kawa duxuté', gawaá adoorihe dakuúsár Israeli aga dogé'.

ESRA 10:44

Hhawaateeká' sleémeero /ameenár xoordaá hatlá' ngina duxuutiyé'. Inooín /ameenadá' kari guús nee na/ii'ín kudá' na laqwaalii'i.

NEHEMIA 10:30

Dasuurén ku duxutiiká nee múk yaamuuká', laqaá tam daaqayrén sleeme i duxuxun'aaká ayaawí wa aleeró.

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

NEHEMIA 13:1

Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

NEHEMIA 13:24

tlaqtá na/ii'ín a tsifrír Ashdodi ngin ar axweesiyá', ala tsifrír Yuda ngi aleeslay'aaká ar axweesanto, ala a tsifrír múk hatlá'.

NEHEMIA 13:27

Xáy atén kuungá' nun iiárií qaasána baraá /aymuú tlaakwe, nee tlakweemaá yaariir awa adór kuká' kiri tleehhaán tam Munguúrén kway tlakweemáy tleehhaán as /ameenarí kawa duxuta'?»

NEHEMIA 4:7

Alaá Sanbalati, nee Tobia nee múk yaamaá Ma/araábu nee oo Amoni nee oo Ashdodi kawa axaás adór gadiyér koo/ír Yerusalemu ir geerií kumít, nee adór wa/angwdá' aa porxomiit kur tipín ar adór qoom, inooín nina ak buhhiyé'.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

2 korinto 6:14

Kuungá' mutunduwa altsegiít baraá taaqwantá wák dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/aateema nee giwti adór tir slaya' a adoomá?

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

RUTI 1:4

Daaqaydá' dasuú xoorór Moabu guri duxuút, tooka umuuwós a Orpa, nee ar tsár a Ruti. Tari baraá yaamuudá' wa hoót afi qoomár kureeri mibaangw.

1 SAMUELI 5:1

Xoorór Filisti sandakmooduú alqadór Mungú guri ar tleér iimír didár Eben-eserír wa ale ay Ashdodi.