NEHEMIA 13:22 - Biblía Axweesantá Hhohho' ar Mungú 2004

²² Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:22 Iomraidhean Croise

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

2 WAAWITÁ 23:4

Aluuwo Yosia kaahamusmoó úr oo Mungú Hilkia, nee kaahamuusér hatlá' ar inós gu alee/imiis, nee xuumuusér afér maraay gina ádbáy xooslaadá' taa tleéhh as Ba'ali nee Ashera nee as tsatse/uuduú gawaá doori kuwa sluufmiisi, kingiwa duuxi baraá doó AAKOÓ MUNGUHE, nee kawa da/i tsee/aá Yerusalemu baraá xatstá Kidroni, nee da/araarós kari huuw ay Beteli.

2 QOM'I 29:24

Kaahamuusér Mungú makaydá' ngiri tsu/iyé', tseerer'ín kay tsiririxiís gawaá kitangwduú ilahhooa as múk Israeli sleémeero kuwa haraki/isi nee Mungú. Asma waawutmo Hesekia gana oó', ilahhooár da/a, nee ilahhooár tlakweema hingeesa kawa haniisi as múk Israeli.

2 QOM'I 29:27

Hesekia iri oó', «Ilahhooár da/a haniisaak gawaá kitangwduú ilahhooa kay hanmaamisi.» Qoomár ilahhooár da/a hanmisuuwo kawa iimu/ún, muu daa'ángw AAKOÓ MUNGÚ guri óh, bara/ kuri duuruúx ar tarumbeetadu, nee ar xoosladár daa'aangw ar waawutmo Daudi oo múk Israeli.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

NEHEMIA 12:10

Yeshua Yoyakimu guna laqwaál, Yoyakimu Eliashibu guna laqwaál, Eliashibu Yoyada guna laqwaál.

NEHEMIA 12:30

Kaahamuusér Mungú nee múk tlahhoó Laáwi tina hhoohhooeesiyé' nee muko, nee afér do' nee koo/iro.

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

NEHEMIA 13:31

nee ilahhooár migír ngiri oó' kingiwa huwi qoomaadá' hariima nee bu'úngw geera. Aá Munguúeé', án inslawáng as iwa hhooeemáy tlehh.

NEHEMIA 5:19

Aá Munguúeé', hám daxta hhooeemaeé' kuká' naa mukwí tleéhh inslaweek.

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

DABE 5:12

«Deelór Sabaáto harmagaahheek, ka hhoohhooés, adoodá' AAKOÓ MUNGÚ, Munguúwók ngira oó'.