NEHEMIA 13:15 - Biblía Axweesantá Hhohho' ar Mungú 2004

¹⁵ Deeloodár kilae múk Yuda una ár i sabiíbuú tsoo/itiyá' deelór Sabaátoro, bahh'alé daqwaayer'ín ngaa huwaárí tsa/aasiyé' ar difaáiro, nee sabiíbuuwo, nee /aantsihe, nee umuúqo gaaro ki huuw gixsár Yerusalemu. Ngiri gurbuú' adór deelór Sabaátoro weermis ir qonká.

NEHEMIA 13:15 Iomraidhean Croise

2 QOM'I 24:19

Tam adoorihe AAKOÓ MUNGÚ aaruuse gana amor'ínií ya/abiít tawa ki/i amoorós, ala muu aaruuseedá' gaa iiárií qaasiiká.

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

NEHEMIA 10:32

Atén dakwí un qaasaán, baraá kurko umuú heewo baraá shekeélír tame ar wák gan haniis as gadiyér doó Mungú.

NEHEMIA 13:16

Múk Tiro kudá' baraá gixsár hoót siyó nguna huwiyé' nee muruú hatlae baraá gixsár Yerusalemu, nguri weerimisiyé' bál deelór Sabaátoro dír múk Yuda nee múk Yerusalemúr hoót.

NEHEMIA 13:21

Ina gurbu'uúm ngiwa babaw, «Gár tas tsee/aá gixsár i qaqatiinda' i káhh. Binda malé ki/é' daxta a aandá'.» Gawaá adoorihe, naa baloó ki/i'iiká daqemuuwo bál Sabaátoro.

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

YOBU 39:12

Xáy i ya/aánda saree/a kawa harahhif qoomár bar balaangók u loohís amór do', nee guqo húba dír afeenír balaangw muxta?

WARA'AMI 50:7

«Kuungaá muk'eé', iia qaasaak, gár ni oo' i deer. Israeli, adór kuúng tay diri' ngi lamabuú'. Aníng an Mungú, aníng a Munguúwók.

TI'INAANGW 31:12

AAKOÓ MUNGÚ Mose guri báy,

TI'INAANGW 31:16

Gawaá adoorihe xoorór Israeli baalaarír Sabaáto ngi harmagahh nee ngi iialooes baraá xwaylar'ín sleémeero, asma a alqadór alhhe'eesoó koomaaká.

TI'INAANGW 34:21

«Deelo lahhooe kuungá' an gadiyusá', ala bál faanqwe an hungu/usá', barnaxes an qoomár doosla laqaá an qoomár bu'uungw, kuungá' aqo an hungu/usá'.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

AXWEESANOÓ SAGALOOA 28:4

Mukdá' dabér siasií', múk tlákw gun xirfayeemiis, Ala kudá' dabér uhimá' nee múk tlákw tin ayá'.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

YEREMIA 17:24

AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 42:19

Yeremia muu guri báy, «Kuungaáká múk Yahudi aga mete', AAKOÓ MUNGÚ nuna báy, ‹Ma yaamaá Misrír kawaara'.› Gurbu'te'eé' tí xu'uti hhe'eesaak, tí nuwa báw,

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Galatia 5:3

Án /aymuuwí ngu malé inkií/ nee nguri gawdeés, umuúqo heewo oo taa al/uútl, gár kuwa hariím a hara'aya sleémeero gan boo/ees.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

DABE 8:19

Ala kuungá' AAKOÓ MUNGÚ, Munguúhúng bura gunqaaresé', nee munguaá hatlá' kiri sagadiyusé', nee kiri sluufmisé', aníng kuungá' laarí nun gurbuú' ar looeemawo, kuungá' a hhaandá'.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.