NEHEMIA 13:13 - Biblía Axweesantá Hhohho' ar Mungú 2004

¹³ Muu nguri tsawaár oo kuuntáy gu amohhe'eemiís, kaahamusmo Shelemia nee goousmo Sadoki nee Pedaia heé tlahhoó Laáwi. Nee Hanani garmoó Sakuri, garmoó Matania tawa alee/isusmooín. Inooín i inkihhimuú koná' nee gadiyér'ín a mura' kun qasmiis dír hhaeeín.

NEHEMIA 13:13 Iomraidhean Croise

2 WAAWITÁ 12:15

Mukdá' gadiyeédá' gaa tleehh an múk ló'wa inkihhimuú koóm, gawaá adoorihe, adór peésaadá' iri gadiyús heé ga faaro leelehhiít i kaahh.

2 WAAWITÁ 12:16

Peésaadá' taa burumbuúr as ilahhooár dakuús nee tidár tlakweema hingeesa kaa huwiiká baraá doó AAKOÓ MUNGÚ, tidá' kana máy dír kaahamuusér Mungú as tawa tooín.

2 WAAWITÁ 22:7

Ala inooín mikiwa yaahaás adoodá' peésa ngira ar gadiyusi'i, asma ngina ar gadiyuusiyé' ar adoodá' kas hariím.»

NEHEMIA 10:12

nee Sakuri, nee Sherebia, nee Shebania,

NEHEMIA 10:38

Kaahamusmoó xwaylár Aroni dinkwa nee tlahhoó Laáwi ilahhooadár gár wák baraá mibaango ngin ilaoohiyá', naagáy múk tlahhoó Laáwi ar wák baraá muruú mibaango gan huuw baraá kutuwi, baraá kuuntáy.

NEHEMIA 11:22

Geeraharusmoó múk tlahhoó Laáwi a Usi garmoó Bani, garmoó Hashabia, garmoó Matania, garmoó Mika oo tlahhoó Asafu. Inooín a daauuse nee múk gadiyér doó Mungú gaa sagesihhiit.

NEHEMIA 12:35

Xwaylár kaahamuuse bahh'ale in tarumbeétadaá koná', inooín an ín, Sekaria garmoó Yonatan, garmoó Shemaya kuduú garmoó Matania, garmoó Mikaya, garmoó Sakuri, garmoó Asafu.

NEHEMIA 12:44

Qoomaarihe muu kuna tsawaár oo kutuwoó kuuntáy gu amohhe'eemiís kudá' ta ilahhooárí qamin, ilahhooár bu'úngw geera nee gár wák baraá muruú mibaango, nee muruú tinda baraá qamaá gixsár wa burumburín as kaahamuuse nee múk tlahhoó Laáwi ar adoodá' dabe i kat. Asma múk Yuda kaahamuusér Mungú nee múk tlahhoó Laáwi kudá' gadiyuusa' kiri sa qwalalaá/.

NEHEMIA 3:30

Aluudae Hanania garmoó Shelemia nee Hanuni garmoó lahhoó' oo Salafu dír hatlá' kari /abeés tlehhmuuwo. Aluudae Meshulamu garmoó Berekia dír hatlá' gari /abeés tlehhmuuwo tidá' nee kutuwirós ti ga/aawá'.

NEHEMIA 7:2

aníng hhiyaeé' Hanani nguri ga/aawusmoó Yerusalemúr wa qaás nee Hanania tiwa alee/iimisiya', asma inós ku ló'wa inkihhím, nee a heé Munguú ilaiwawaá/ ta múk hatlae.

NEHEMIA 8:4

Esra kuduú goousmo iri sihhiít dirka taa tleéhh ar peehháy as sihhtano, muko iri bihhiiwós awa doó /iyáy i sihhiít. Mukwí an ín Matitia, nee Shema, nee Anaya, nee Uria, nee Hilkia, nee Ma'aseya. Bihhaá dakós oo doó basayhe a ín, Pedaya, nee Mishaeli, nee Malkiya nee Hashumu, nee Hashbadana, nee Sekaria nee Meshulamu.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Tlehhema'aá ya/Abuuse 4:35

kari qaás dír geeraá ya/abuuse. Peésaadá' kari qasmiís ar hariímadá' hee aa slaá'.

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

1 Korinto 4:2

Ala dír mukduú saayuuseero gár ta slai masók kin inkihhím.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 3:10

Alee/isuuseerí sleeme ka ala iiari, ala gár daanduuine taa ár bir káhh, gadiyeé ngi tleehhiye'.