NEHEMIA 13:12 - Biblía Axweesantá Hhohho' ar Mungú 2004

¹² Aluuwo múk Israeli sleémeero ilahhooár balaangw ar wák baraá mibaango oo balaangw nee baraá difaáiro, nee baraá di/to kuri qaás baraá kuuntáy.

NEHEMIA 13:12 Iomraidhean Croise

2 QOM'I 31:4

Waawutmo múk Yerusalemu guri malé ádbáy, daqaari'iimar'ín ngiwa bahh haniisiya' dír kaahamuusér Mungú nee múk tlahhoó Laáwi, as kahhó' inooín tiwa haniisiya' baraá gadiyér dabér AAKOÓ MUNGÚ.

2 QOM'I 31:5

Kaangwí múk Israeli nguwa axaás, daqaari'iimar'ín ngina ló'wa haniisiyé', bu'úngw geera, nee difaái, nee di/i, nee danú, nee muruú hatlá' oo ta hamaareés baraá qamuuín wa alé. Nee umuúqo gár wák baraá mibaango ar umuú gár i kona'a ngina huwiyé'.

NEHEMIA 12:44

Qoomaarihe muu kuna tsawaár oo kutuwoó kuuntáy gu amohhe'eemiís kudá' ta ilahhooárí qamin, ilahhooár bu'úngw geera nee gár wák baraá muruú mibaango, nee muruú tinda baraá qamaá gixsár wa burumburín as kaahamuuse nee múk tlahhoó Laáwi ar adoodá' dabe i kat. Asma múk Yuda kaahamuusér Mungú nee múk tlahhoó Laáwi kudá' gadiyuusa' kiri sa qwalalaá/.

TLAHHOÓ LAÁWI 27:30

«Ilahhooadár gár wák baraá mibaango ta Mungú i hanmamisi ar balaangw, laqaá na/aá xaai, sleémeero ar AAKOÓ MUNGÚ, kaa hhoohhooeés as AAKOÓ MUNGÚ.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

DABE 14:22

«Ilahhooa sleémeero ar baraá qamuuhúng daáhh umuú kurko gár wák baraá muruú mibaango hanmisaak.