NEHEMIA 13:1 - Biblía Axweesantá Hhohho' ar Mungú 2004

¹ Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

NEHEMIA 13:1 Iomraidhean Croise

2 WAAWITÁ 23:2

Waawutmo iri tsa/án amór Doó AAKOÓ MUNGÚ dinkwa nee múk Yuda sleémeero, nee yaamuloouusér Yerusalemu sleémeero, dinkwa nee kaahamuusér Mungú nee aaruuseero, nee muu sleémeero oo ninákw nee oo urene, axweesanoó kitaábuú alqado sleémeero guri dir'ín i soomuús, kudá' taa sláy baraá Doó AAKOÓ MUNGÚ wa aleeró.

NEHEMIA 13:23

Slám deeloodae múk Yahudi sleeme una ár oo /ameenár Ashdodi gaa duxuut nee ar Amoni nee ar Moabu,

NEHEMIA 2:10

Ala Sanbalati heé xoorór Horoni, nee sagadiyusmoowós Tobia, heé xoorór Amoni, hardahmueé' nguwa axaasiyé', as xoorór Israeli ngiwa hhooeemáy tleehh, inooín niri ló'wa gurhamuutiyé'.

NEHEMIA 2:19

Aluuwo Sanbalati oo xoorór Horoni nee sagadiyusmoowós Tobia, heé xoorór Amoni, nee Geshemu, kuduú ma/araabumo, kaangwí nguwa axaasiyé' tina waaqasené', tiri waaqaqaaiyé', tari oó', «Gaarí ta tlehhita' a milá? Xáy kuungá' an sla'á'a waawutmo kuwa sia?»

NEHEMIA 4:3

Tobia heé xoorór Amoni kudá' aa bihhaawós i sihhiit sleeme iri oó', «Kár gár i tlehhiitiyá' a milá? Baré tam intsaangw koo/ir'ín tí birngi i tsa/ana aqo gan daahh!»

NEHEMIA 8:2

Esra kaahamusmoó Mungú kitaábuú dabér Mose nguri huúw dír geeraá boo/oó muu oo hhawaate nee /ameenaaro nee kudá' gaa axaasaro ngi aleeslawá' nee tsaahharo. Slahhángw faanqw baldae a wak.

NEHEMIA 9:3

Inooín tari sihhiít umuú heewo dirós nee dabér AAKOÓ MUNGÚ, Munguúín ar har afiqoomár hhaawakahe kari dir'ín i soomuús. Ar afiqoomár hhaawaakár aluudae nina hhu'u'uné' nee AAKOÓ MUNGÚ, Munguúín kuri sluufmiís.

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

YEREMIA 48:1

Axweesantí an tidá' AAKOÓ MUNGÚ Aleesleemusmo, Munguú Israeli aa oó' daanduú xoorór Moabuwo iwa kaahi, «Tsaxwaahúng múk Nebo, asma gixsa ka xaanxay tleehh. Gixsár Kiriataimu kari mureekees, kari hayoh, koo/irós tidá' gawit ka mureekees, kari yaamií daahh.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

FAARO 22:5

Balaki ya/abuuse gari ya/aáw amór Bala'amu, garmoó Beori, amór yaamaá Petori, iisapoó yaaér Eufrate, amór yaamaá Amawi. Bala'amu kuri báy, «Xoororka Misrír daahh yaamu gina al'ót, slám yaamuueé' ki hayohár wa slaa'.

Luka 10:26

Yesu guri báy, «Gár taa gooín a milá baraá kitaábuú hara'ayaaro? Kawa soomús, mi kát?»

Tlehhema'aá ya/Abuuse 13:15

Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »