NEHEMIA 12:8 - Biblía Axweesantá Hhohho' ar Mungú 2004

⁸ Múk tlahhoó Laáwi a Yeshua, nee Binui, nee Kadmieli, nee Sherebia, nee Yuda, nee Matania, kudá' daa'ángw sluufaay gwaa geeraharahaar dinkwa nee hhaeewós.

NEHEMIA 12:8 Iomraidhean Croise

1 QOM'I 9:33

Slamí kudá' uren baraá tlahhoó Laáwiwo a daauuse, nina hootiyé' baraá kutuwoó doó Mungú wa ale, inooín gadiyér hatlá' ngi kon'aaká, ala inooín tin baalaqaminá' tlatla/aangw nee xweeraawo.

ESRA 2:40

Múk Laáwi oo naa baraá looháy wa waatl a kwí: Xwaylár Hodafia ar guruú doó Yeshua nee Kadmieli a mibeeri faanqw nee tsiyáhh.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

NEHEMIA 11:17

nee Matania garmoó Mika, garmoó Sabdi, xwaylár Asafu kudá' firór ilahhooa ga geeraharahaár. Nee Bakbukia a ale/iisusmoowós, dinkwa nee inooine awa hatlá' a Abda garmoó Shamua, garmoó Galali, xwaylár Yedutuni.

NEHEMIA 11:22

Geeraharusmoó múk tlahhoó Laáwi a Usi garmoó Bani, garmoó Hashabia, garmoó Matania, garmoó Mika oo tlahhoó Asafu. Inooín a daauuse nee múk gadiyér doó Mungú gaa sagesihhiit.

NEHEMIA 12:24

Geeraharuusér múk tlahhoó Laáwi a Hashabia, nee Sherebia, nee Yeshua garmoó Kadmieli, nina alsihhiitiyé' nee hhaeeín, as daa'ángw ilahhooa nguwa daaiya' nee oo xirfayeemisuuwo, ar adoodá' waawutmo Daudi heé Mungú ngira oó'.

NEHEMIA 12:7

nee Salu, nee Amoki, nee Hilkia nee Yedaya. Kuká' an kaahamuusér uren ar Mungú nee hhaeeín qoomár Yeshuawo.

NEHEMIA 12:9

Bakbukia nee Uno, nee mulqer'ín, nina sihhiitiyé' baraá saaliingo.

NEHEMIA 7:43

Múk tlahhoó Laáwi kwí: Hhay Yeshua awa guruú doó Kadmieli nee awa Hodafia a mibeeri faanqw nee tsiyáhh.

NEHEMIA 7:48

nee hhay Lebana, nee hhay Hagaba, nee hhay Shalmai,

NEHEMIA 9:4

Dirka gáwtí dirii' taa tleéhh as múk tlahhoó Laáwi, diirihe múk aa sihhiit a Yeshua, nee Bani, nee Kadmieli, nee Shebania, nee Buni, nee Sherebia, nee Bani nee Kenani. Inooín AAKOÓ MUNGÚ, Munguúín nguri i /aa/iyé' ar afór ur.