NEHEMIA 12:43 - Biblía Axweesantá Hhohho' ar Mungú 2004

⁴³ Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

NEHEMIA 12:43 Iomraidhean Croise

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 20:27

Naagáy muu sleémeero oo Yuda nee oo Yerusalemuro, dinkwa nee waawutmooín Yehoshafati, tay kií/ Yerusalemu ar qwala/, asma AAKOÓ MUNGÚ inooín gina aleesleemuú i haniís oo tawa qwalaala/i daanduú wakuuser'ine.

2 QOM'I 7:10

Baalár alhhe'eesay a bál mibeeri tsár nee tám ar slahhángw faanqw. Baalarihe waawutmo Solomon muu gway watlís amór maray'ín i aleeró. Inooín tana qwalaá/ as tsuuqadá' AAKOÓ MUNGÚ aa dir'ín i haniís, dír Daudi nee dír Solomon nee dír mukós oo Israeli.

ESRA 3:13

Tam muu afór qwala/ nee ar /aa/eewo paraatlaro gari harslaaqaát. Asma muu ina tsimahhuús ar afór ur, tsimaahhir'ín tsee/a gari tsatát.

NEHEMIA 12:27

Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:42

nee Ma'aseya, nee Shemaya, nee Eleasari, nee Usi, nee Yehohanani, nee Malkiya, nee Elamu nee Eseri. Daauuse iwa da' kina geerahaár nee Yesrahia.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 27:6

Hám daxta aníng a kwereeaaká, ti axmaamiis gawaá daanduú wakuuser'eé' tidá' iga harwet. Aníng ilahhooár muruú ta tsu/i an haniís baraá heémár Mungú wa ale ar bara/.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 9:2

Munguú Gáwtí dirií', án kuúng un sa qwalalaá/ nee un sa baraá/, umuuwók un xirfayeemiís ar daa'aangw.

WARA'AMI 92:4

AAKOÓ MUNGÚ, án kuúng iga qwal/atís ar tlehhmi'iiwók, aníng an daá' nee an baraá/ as tlehhma'aá dabaawók.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

Matayo 21:15

Ala kaahamuusér uren ar Mungú nee intsaahhatuusér hara'ayár Mosewo tari buúhh, asma muruuduú waa/oo/amo Yesu aa tlehhiít, nee asma na/ii niwa baraá Doó Mungú wa tseeaminé' ar afór ur, iwa kaahiya', «Hosana, Garmoó Daudi i xirfuuti.»

Matayo 21:9

Nee boo/aydá' geeraá wa hi'iít, nee oo aluuwo ta tseeamín ta kaahi, «Hosana, Garmoó Daudi, i xirfuuti kudá' hardáh ar umuú Aako, i xirfuuti Munguú gawaá doori.»

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Yakobo 5:13

Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.

1 SAMUELI 4:5

Sandakmoó alqadór AAKOÓ MUNGÚ iwa sa dáh baraá xafi, xoorór Israeli iri tsimaahhús ar afór ur, yaamu niri ilaoohiyé'.