NEHEMIA 12:30 - Biblía Axweesantá Hhohho' ar Mungú 2004

³⁰ Kaahamuusér Mungú nee múk tlahhoó Laáwi tina hhoohhooeesiyé' nee muko, nee afér do' nee koo/iro.

NEHEMIA 12:30 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

1 QOM'I 15:14

Naagáy kaahamuusér Mungú nee múk tlahhoó Laáwiwo tiri hheehhe'esiyé' as sandakmoó alqadór AAKOÓ MUNGÚ, Munguú Israeli, nguwa huwiya'.

2 QOM'I 29:34

Kaahamuusér Mungú muruudá' daqarooro gway harslaaqát, asma inooín ki ureeká. Gawaá adoorihe, hhaeeín kudaá tlahhoó Laáwi daqarooro ngay alee/iisiyé' kari hhe'eés. Qoomaarihe kaahamuusér Mungú ar yaariir taa hhoohhooés (Asma múk Laáwi oo taa hhoohhooees ku úr ta kaahamuuseero).

2 QOM'I 29:5

giri báy, «Aníng iiárií qaasaré' kuungaákaá tlahhoó Laáwi, ti kiloohúng hhoohhooeese', nee Doó AAKOÓ MUNGÚ, Munguú baabi'iihúng, ku hhoohhooeesá'. Xwaansláy sleémeero oo didá' hhoohhoó' i dirií' tsee/áy kwahhaak.

ESRA 6:21

Deelmooduú Pasaáka kuri /aáy nee muu sleémeero oo Israeli kudá' naa baraá looháy wa waatl, dinkwa nee umuúqo heewo oo taa paraatl dír múk slasla/aruú xoordaá yaamuudae tay haragwaá' dír múk Israeli as AAKOÓ MUNGÚ, Munguú Israeli kuwa sluufmiisi.

NEHEMIA 12:29

Bahh'ale ni Bet-gilgali dahhiyá' nee ayeemaá Geba, nee Asmaweti, asma daauuse maray'ín gina tléhh ayeemaá Yerusalemu ngaa harweeriye'.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:30

Gawaá adoorihe, aníng inooín ngiri hhoohhooeés baraá umuúqo gár xoordaá hatlae, ngiri baalaqaasírí qaás kaahamuuse nee múk tlahhoó Laáwi umuú heewo baraá gadiyeérós,

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:15

Mose muu guri báy, «Ti amohhe'eese' as balooqa, hhaawata miwa amór /ameenír káy.»

Ebrania 5:1

Umuúqo kaahamusmoó úr oo Mungú kun tsawaar baraá tla/ángw múk wa ale. Kuri qaas tawa heé Mungú sagadiyuús daandeemooín wa ale. Inós muruudá' muu naa qeemuú wa huúw nee ilahhooár muruú ta tsu/i, guri huuw dír geeraá Mungú as tlakweema.

Ebrania 5:3

Gawaá adoorihe gár inós kuwa hariím, slér ilahhooa gan gaas as tlakweemaawós sleeme, ala a as tlakweemaá muu kilooineeká.