NEHEMIA 12:27 - Biblía Axweesantá Hhohho' ar Mungú 2004

²⁷ Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:27 Iomraidhean Croise

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

1 WAAWITÁ 8:63

Solomon AAKOÓ MUNGÚ guri ilahhooár waydií haniís ar muruú ta tsu/i, awe kume mibeeri tsár nee tsár, nee bee/ángw kume tsiiru nee mibeeri tsár. Adoorí an adór Solomon nee muu sleémeero oo Israeli Doó Aakoó Mungú kura aldafín.

1 QOM'I 13:8

Qoomaadae Daudi nee múk Israeli sleémeero ni/imaaro tana faakamiís dír Mungú, as Mungú nguwa xirfayeemisiya'. Muu ina daá', nee gidandooráy kway slaáhh nee mariímbaro, nee oowi kay slaáhh nee mitingiraay, nee tarumbeéta kay ufaáhh.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

1 QOM'I 15:16

Naagáy Daudi geeraharuusér múk tlahhoó Laáwi gari báy, «Baraá hhaeehunge muu tsawaraak oo xooslaá daa'aangw gi slaáhh: Mariímba nee gidaandori, nee mitingiraay, kwaraa/ír bara/ ka tlahhasi ar qwala/.»

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

1 QOM'I 15:4

Aluuwo Daudi xwaylár Aroni nee múk tlahhoó Laáwiwo gina dinkwárí burumbuúr:

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

1 QOM'I 16:5

Asafu kuna geeraharusmooín wa tsawaár, nee Sekaria tay ale/isusmoowós, múk mariímba nee gidaandooriro gi slahhaám a kwí: Yeieli, nee Shemiramoti, nee Yeieli nee Matitiya, nee Eliabu, nee Benaya, nee Obed-edomu nee Yehieli. Asafu an heé mitingiraay gwaa slahhan.

1 QOM'I 23:5

nee múk kume tsiyáhh a xuumuusér afér gixsa, múk hatlá' oo kume tsiyáhh guna qaás AAKOÓ MUNGÚ nguwa xirfayeemisiya' ar xooslaá daa'aangw kudá' waawutmo aa haniís as gadiyeérí.

1 QOM'I 26:31

Yeria a geeraharusmoó múk guruú doó Hebroni. Qoomár kurkú mibeeri tsiyáhh oo waawuti'iimár Daudi múk aleesleemuú koóm kuri leeleéhh, kuri baraá Yeserír wa sláy tidár baraá yaamaá Gileadi.

2 QOM'I 29:25

Waawutmo Hesekia adoodá' AAKOÓ MUNGÚ aa Daudi báy ar loohír iigu'utusmo Gadi nee aarusmo Natani, gana eehár. Gawaá adoorihe múk tlahhoó Laáwi guri qaás baraá Doó AAKOÓ MUNGÚ, bahh'alé i mitingaroó koná', kookaariya' i mariímbár koná' nee bahh'ale i gidandooroó koná'. Gaarí an hara'ayár AAKOÓ MUNGÚ aa hara'ayín ar loohír aaruuse.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

2 QOM'I 5:13

Qoomár mukdá' tarumbeétadaá ufahhaám nee daauuse afo kawa alqoomeés tawa AAKOÓ MUNGÚ sluufmiisi nee kuwa xirfayeemisi ar tarumbeetadu nee mitingiraay nee xooslaá hatlá' awa daa'aangw, tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay alhhe'eesay wasle.» Doó AAKOÓ MUNGÚ huunki gway tuuntúk.

2 QOM'I 7:6

Kaahamuusér Mungú tay sihhiít dir'ín. Múk tlahhoó Laáwi ina sihhiít sleeme, dinkwa nee xoosladár daa'ángw AAKOÓ MUNGÚ, tidá' waawutmo Daudi aa dir'ín i haniís, tidá' inós aa tleéhh as AAKOÓ MUNGÚ nguwa xirfayeemisi iwa kaahi, «Sla'aarirós ar warqawaaká in kumaamít ay kureeraá kureér.» Kaahamuusér Mungú tarumbeétadu giri ufáhh, múk Israeli sleémeero iri sihhiít.

ESRA 6:16

Múk Israeli, nee kahaamuuse nee múk tlahhoó Laáwi, nee múk hatlá' oo naa baraá looháy wa waatl, do'owuú Mungú kuri aldafín ar qwal/uú yaariír.

NEHEMIA 11:20

Múk hatlá' oo Israeli, nee kaahamuusér Munguhe nee múk tlahhoó Laáwiwo, nina baraá gixsadaá hatlá' awa Yuda wa hootiyé', umuú heewo dír aalirós.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

NEHEMIA 8:17

Dinku'uumár mukdá' sleémeero naa waatl baraá looháy wa aleeró, isleeri ngiri tleehhiyé', nay baraadá' wa hootiyé', asma iimír de'emaá Yoshua garmoó Nuni tam ay baalaadá' múk Israeli adoodá' gaa tleehhiiká. Qwal/uú yaariír iri deeruút.

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 20:5

«Aluuwo geeraharuuse slaqwaruuse ngi beer, ‹Diirihe hee i deéro oo do'ós gwaa tleehh, ala gwa aldafinká? Heé adoorí i amór do'ós i watli, miwa baraá slaqwarári gwaá', nee heé hatlá' do'ós guri aldafín.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.