NEHEMIA 12:1 - Biblía Axweesantá Hhohho' ar Mungú 2004

¹ Gaarí an umér múk tlahhoó Laáwi nee ar kaahamuusér Mungú kudá' tinda ki/ís baraá looháy wa aleeró, dinkwa nee Serubabeli garmoó Shealtieli, nee kaahamusmoó úr Yoshua. Kaahamuuse an ín, Seraya, nee Yeremia, nee Esra,

NEHEMIA 12:1 Iomraidhean Croise

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

ESRA 3:8

Qoomár slahhángw tsár oo kurkú tsár iimír inooín niwa hardihiyé' dír doó Mungú baraá Yerusalemu, Serubabeli garmoó Shealtieli, nee Yeshua garmoó Yosadaki nee hhaeeín awa hatlá', nee kaahamuuseero nee múk tlahhoó Laáwiwo, nee muu sleémeero, kudá' naa baraá looháy wa waatl ay Yerusalemu gadiyeé kari iimu/ún. Inooín múk tlahhoó Laáwi kuri qaás, kudá' kureeri mibeeri tsár gaa ay nee oo gi ba/abaá/, as gadiyér Doó Mungú kawa sagesihhiiti.

ESRA 4:2

Serubabeli nguri i tseewuyé', nee kudá' uren awa tlahh'aá baabi'i kiri báy, «Atén a tleehhitaán dinkwa nee kuungá', asma Munguúhúng un sluufmisaán adór kuungá' wa ale, atén un ilahhooár muruú ta tsu/i hanmamisaán iimír Esar-hadoni, wawutmoó Ashuru kudá' taa diirí huuw.»

ESRA 5:2

Aluuwo Serubabeli garmoó Shealtieli nee Yeshua garmoó Yosadaki tari tláy, doó Mungú kuduú Yerusalemu kuri iimuu/ún tlehhtuuwo, inooín tina ale/iimiisiyé' nee aaruusér Mungú.

ESRA 7:7

Qoomár kurkú faanqw oo waawuti'iimár waawutmo Artashastawo Esra nee múk Israeli bahh'ale, nee kaahamuusér Mungú bahh'alé, nee múk Laáwi nee daauuse nee xuumuusér doó Mungú, nee sagadiyuusér Doó Mungú tana tláy ay Yerusalemu.

NEHEMIA 11:36

Bahh'alé awa tlahhoó Laáwi kudaá baraá tla/ángw Yuda nina haragwaaiyé' amór múk Benyamini.

NEHEMIA 12:10

Yeshua Yoyakimu guna laqwaál, Yoyakimu Eliashibu guna laqwaál, Eliashibu Yoyada guna laqwaál.

NEHEMIA 12:2

nee Amaria, nee Maluku, nee Hatushi,

NEHEMIA 7:7

Inooín kingina geerahaár nee Serubabeli, nee Yeshua, nee Nehemia, nee Asariya, nee Ra'amia, nee Nahamani, nee Mordekai, nee Bilshani, nee Mispereti, nee Bigwai, nee Nehumu, nee Ba'ana. Gaarí an faarór hhawaataá múk Israeli.

HAGAI 1:1

Bál slahhángw lahhoó' tawa wak oo kurkú tsár oo waawutmo Dario, AAKOÓ MUNGÚ ina axweés ar afkú aarusmo Hagai dír waawutmo Yuda kudá' ta bay Serubabeli, garmoó Shealtieli, nee dír kaahamusmoó úr oo Mungú kudá' ta bay Yoshua garmoó Yehosadaki.

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

HAGAI 1:14

AAKOÓ MUNGÚ muunuú Serubabeli garmoó Shealtieli ga/aawusmoó Yuda guri dúk, nee muunuú Yoshua garmoó Yehosadaki, kaahamusmoó úr oo Mungú, nee munér mukdá' naa waatl baraá looháy wa ale. Tari tláy gadiyeé kawa tleehhamór ay baraá doó AAKOÓ MUNGÚ Munguúín oo Aleesleemusmo.

HAGAI 2:2

«Tláw daxta, axweesé' nee Serubabeli garmoó Shealtieli, ga/aawusmoó Yuda, nee Yoshua garmoó Yehosadaki, kaahamusmoó úr oo Mungú, nee mukdá' aa waatl baraá looháy wa ale, ki beer,

SEKARIA 6:11

Peésaasíng nee sahaábu ilaooheek, ki slamángw ar tléhh, ku dahás gawaá ságw kaahamusmoó úr oo Mungú oo ta bay Yoshua, garmoó Yehosadaki.