NEHEMIA 11:25 - Biblía Axweesantá Hhohho' ar Mungú 2004

²⁵ Muu bahh'alé ina hoót baraá gixsaduuín wa aleeró bihhaá qamuuín. Múk Yuda bahh'ale Kiriat-arba gana hoót nee amór Diboni nee Yekabse'eli dinkwa nee ayeemooín kudá' ngaa harwerii'i.

NEHEMIA 11:25 Iomraidhean Croise

IIMU/UUNGW 23:2

Sara iri gwá' baraá gixsár Kiriat-arba, tidá' ta bay Hebroni, ar baraá yaamaá Kana'ani. Abrahamu ina /aa/amín, iri tsuunqumiís as gwa'arár hareerós Sara.

NEHEMIA 11:26

Bahh'alé nina gixsár Yeshua wa hootiyé' nee ar Molada, nee Bet-peleti,

YOSHUA 13:17

dinkwa nee yaamaá Heshboni nee gixsaduuwós sleémeero kudaá baraá xatsto. Gixsadudá' an Diboni nee Bamot-ba'ali nee Bet-ba'al-meoni.

YOSHUA 13:9

Yaamuuín a iimír Aroeri ngina wa tlayá', tidár bihhaá duxuú Arnoni ay gixsadá' baraá tla/ángw xátstí dirii', tam xatstadá' sleémeero iimír Medebár wa oohang ay Diboni.

YOSHUA 14:13

Yoshua Kalebu garmoó Yefune guri tsuúq, guri gixsár Hebronirí haniís as ngiwa aali.

YOSHUA 14:15

Umuú yaamaá gixsár Hebroni bál geeraawo a kun babay Kiriat-arba. Heewí ta bay Arba ku ló'wa iiatleér ta múk hatlá' sleémeero oo Anakiro. Yaamu sleémeero niri amohhoouyé' asma slaqwara i káhh.